Jen listo de okazaĵoj en novembro 2019:

9-a de novembro 2019

• Okazis prifestoj en Germanio pro la 30-a datreveno de la Falo de la berlina murego.

10-a de novembro 2019

• Eksiĝis la prezidanto de Bolivio Evo Morales. Pli detale ĉe Vikinovaĵoj.

13-a de novembro 2019

• Amnestio Internacia informis, ke la turkaj aŭtoritatuloj malliberigis centojn da homoj pro iliaj komentoj ĉe socia retoj, pridubantaj aŭ kritikantaj la turkan operacon en Roĵavo (Sirio).

16-a de novembro 2019

• Amasaj kontraŭregistaraj protestoj eksplodis en Irano post duobligo de fuelprezoj. Pli detale ĉe Vikinovaĵoj.

17-a de novembro 2019

• Unu iraka ĵurnalisto mortis kaj pli ol 30 aliaj vundiĝis dum novaj tumultoj ĉe grava ponto en Bagdado. Pli detale ĉe Vikinovaĵoj.

18-a de novembro 2019

• Ondoj de studentoj fuĝis el sia kampuso de Politeknika Universitato en Honkongo, kie ili sin barikadis dum la pasinta semajno. Pli detale ĉe Vikinovaĵoj.

21-a de novembro 2019

• Daŭras amasaj protestoj en Irano, la aŭtoritatoj malŝaltis Interreton. Pli detale ĉe Vikinovaĵoj.
• Senatanino Jeanine Áñez proklamas sin prezidanto de Bolivio post la foriro de Evo Morales premita de la armeo. Pli detale ĉe Vikinovaĵoj.
• La ĝenerala sekretario de TEJO Catherine Neilson anoncis sian demision. Pli detale ĉe Vikinovaĵoj.

24-a de novembro 2019

• La por-demokratiaj Hongkongaj partioj gajnis grandegan venkon en la loka balotado. Pli detale ĉe Vikinovaĵoj.

26-a de novembro 2019

• Forta tertremo je magnitudo 6,4 frapis la nordokcidentan parton de Albanio. La epicentro estis 12 kilometroj for de la urbeto Mamurras. Pli detale ĉe Vikinovaĵoj.

28-a de novembro 2019

• La usona prezidanto Donald Trump subskribis leĝon subtenantan la manifestantojn de Hongkongo, la ĉinia registaro minacis Usonon pri reprezalioj. Pli detale ĉe Vikinovaĵoj.
• La nova Eŭropa Komisiono de Ursula von der Leyen ekhavis la aprobon de investitura baloto de la Eŭropa Parlamento.