Jen listo de okazaĵoj en novembro 2016:

1-a de novembro

•  Tajlando preparas surtronigon de la princo Maha Vajiralongkorn, okazontan la 1-an de decembro 2016, kiel sciigas armeoficistoj.

2-a de novembro

• Usona senatano Ben Cardin blokis vendadon de armiloj al Filipinoj pro zorgo pri malobservo de homaj rajtoj.

3-a de novembro

• Laŭ la pritakso de UN almenaŭ 239 migrintoj dronis pro ŝipopereo apud la marbordo de Libio.

4-a de novembro

• Tri usonaj armeanoj pereis okaze de pafinterŝanĝo kun jordaniaj armeanoj apud la flughaveno de Reĝo Faisal, proksime al Al-Jafr, Jordanio. Unu jordania armeano estas vundita.

5-a de novembro

• Pli ol dek mil homoj protestas en Seulo. Ili postulas la rezignon de prezidentino Park Geun-hye, pro ŝiaj ligoj al Choi-soon Sil, arestita la 3an de novembro kaj akuzita pri fraŭdo kaj misuzo de la potenco.

6-a de novembro

• Brita ĉefministro Theresa May asertis, ke la House of Commons devos akcepti la Briteliron

7-a de novembro

• Mortis Leonard Cohen, fama kantisto el Kanado.
• Fina kalkulo konfirmas la venkon de Daniel Ortega en la prezidentaj balotoj de Nikaragvo.
• La estroj de la Norda Kipro kaj Suda Kipro kunvenas en Svislando por rekomenci diskutadon pri reunuiĝo de la insulo.

8-a de novembro

• En Barato dumnokte malvalidiĝis ĉiuj monbiletoj valoraj pli ol 100 rupioj (1,35 €, respektive 1,47 US$), presitaj antaŭ 2005. La sekvan tagon multaj bankoj restis fermitaj: la registaro volas instigi la landan ekonomion al kontroleblaj bankaj ĝiroj.

9-a de novembro

• Fina kalkulo konfirmas la venkon de Donald Trump en la prezidentaj balotoj de Usono, dum la Respublikana Partio plu tenas la plimulton en la Domo de Reprezentantoj kaj la Senato.
• Paneis la kanada retejo pri enmigrado, kio koincidis kun la rezulto de la prezidentaj balotoj de Usono.

10-a de novembro

• Multaj protestoj kontraŭ-Trump daŭras en Usono kaj aliaj landoj tra la mondo.

11-a de novembro

• Almenaŭ 13 homoj pereis pro incendio en vestaĵo-manufakturo en Nov-Delhio, Barato.

12-a de novembro

• Almenaŭ 52 homoj, inter ili virinoj kaj infanoj, pereis pro atenco de la organizo Islama Ŝtato kontraŭ sufiisma templo en Beluĉistano, Pakistano.

13-a de novembro

• Novzelandon trafis je 11:02 UTC tertremo kun forteco de 7,8 gradoj laŭ la skalo de Richter.

14-a de novembro

• Superluno videblas ĉie en la mondo.

15-a de novembro

• La mondaj vendoj de obligacioj daŭras meze de necerteco pri Donald Trump, dum la akcimerkato plu kreskas.

17-a de novembro

• Almenaŭ 73 mortoj en Caphiridzange, Mozambiko, pro la eksplodo de naftuja kamiono.

20-a de novembro

• Ĉirkaŭ 140 mortoj pro trajnakcidento ĉe Kanpur, Utar-Pradeŝo, norda Barato.

22-a de novembro

• En Ĉeĥio, parto de Slovakio kaj en kelkaj ĉirkaŭaj landoj vespere (laŭ Mezeŭropa tempo) por pli ol unu horo ne funkciis servoj de kompanio Google.

24-a de novembro

• Pli ol 70 mortoj pro katastrofo en konstruata elektrocentralo en Fengĉengo, provinco Ĝjangŝio, Ĉinio.

25-a de novembro

• Mortis Fidel Castro, 90-jara.
• Ĉirkaŭ 44 mortoj pro trajnakcidento en Provinco Semnano, Irano.

29-a de novembro

• Aviadilo de la kompanio LaMia, flugo 2933 falis en Kolombio. Mortis 71 personoj ĉefe el la brazila futbalteamo "Associação Chapecoense de Futebol".