Listo de aktualaĵoj aperintaj en novembro 2007:

Ĵaŭdo, 29-a de novembro 2007

• La argentina poeto Juan Gelman ricevas la Premion Cervantes 2007.

Mardo, 27-a de novembro 2007

• Internacia packongreso en Annapolis (Marilando), Usono.

Lundo, 26-a de novembro 2007

• Parlamentaj elektoj en Kroatio, elektoj en Rumanio por Eŭropa Parlamento.

Vendredo, 23-a de novembro 2007

• En Peterburgo okazis la paca manifestacio de opozicio kontraŭa al regado de Vladimir Putin. Polico dispelis ĝin kaj arestis 300 manifestantojn. Inter ili estas la esperantisto, ŝakisto Garri Kasparov. Antaŭ unu tago agis la simila manifestacio en Moskvo. Milicio arestis 50 personojn.
• Nissin Food Products kaj Japan Tobacco anoncis ke ili kune aĉetos Katokichi.

Ĵaŭdo, 22-a de novembro 2007

Kvin homoj mortis, inter ili 9-jara knabino, rezulte de eksplodo en buso, kiu sekvis el Pjatigorsk al Vladikavkaz en suda Rusio. La eksplodo okazis ĉe la limo inter Kabard-Balkario kaj Nord-Osetio.

Mardo 20-a de novembro 2007

En Hispanio kiel dum lastaj jaroj ekstremdekstruloj festis la jariĝon de la morto de Franko; same kontraŭfaŝistoj protestis kontraŭ tiu festado kaj la tolereco de la registaro pri perforta agado de radikala dekstrularo. En Madrido dum tiu semajno okazis manifestacioj, soldato mortigis junan kontraŭfaŝiston kaj vundis aliajn; ankaŭ en aliaj urboj okazis faŝista agado: en Cáceres faŝisto ponardis junulon, en Barcelono kontraŭfaŝistoj batalis kontraŭ policistoj.

Mardo, 13-a de novembro 2007

• Germana SPD-politikisto Franz Müntefering (67-jaraĝe) eksiĝos kiel federacia ministro pri laboro kaj kiel vickanceliero surbaze de familiaj aferoj (kancer-malsana edzino) ankoraŭ dum tiu ĉi Novembro.

Dimanĉo, 11-a de novembro 2007

• 172 francoj ne rajtas elaviiĝi en Libio pro manko de araba traduko de iliaj pasportoj.

Sabato, 10-a de novembro 2007

• Mortas Norman Mailer, verkisto

Ĵaŭdo, 8-a de novembro 2007

• La supera juĝejo de Svislando plene liberigis Vitalij-on Kalojev, oseton antaŭe kondamnitan je ok jaroj pro mortigo de flug-kontrolisto de Skyguide. Rusio klopodis pri transdono de Kalojev al rusia prizono, sed fine la viro revenos hejmen libera post du jaroj da enprizoniĝo.
• Mornotago en Finnlando omaĝe al la pereintoj en Jokela, kie la 7-an de novembro mezlernejano mortpafis ok personojn kaj poste ankaŭ sin mem.
• En Kartvelio oni per speciala ukazo ĉesigis disaŭdigon de rusiaj televid-kanaloj per televidaj retoj. Forbarita iĝis ankaŭ la internacia novaĵ-kanalo EuroNews. La malpermeso de brodkasto okazis kadre de la "ekstrema stato" en la lando, enkondukita fare de Miĥeil Saakaŝvili post la amasaj protestelpaŝoj.

Merkredo , 7-a de novembro 2007

• La 90-a datreveno de la Oktobra Revolucio en Rusio.

Dimanĉo, 4-a de novembro 2007

• Fina baloto de la prezidentaj elektoj en Gvatemalo. Laŭ unuaj taksoj, la venkon atingis la centro.maldekstra kandidato A'lvaro Colom.
• Daŭris opoziciaj protestoj antaŭ la parlamenta domo en Tbiliso, ĉefurbo de Kartvelio. Dekmiloj da protestantoj postulas limigon de la prezidenta potenco kaj urĝajn reelektojn por la prezidenta posteno. Sonas sloganoj "Saakaŝvili, foriru!"

Sabato, 3-a de novembro 2007

Pervez Muŝaraf, prezidento de Pakistano, ĉefo de la armeo, organizas duan puĉon, malebligante juĝon de la Supera Kortumo kontraŭ si. Li same enprizonigas centojn da gvidantaj opoziciuloj kaj samtempe forŝovas planitajn parlamentajn elektojn (de januaro 2008). La opozicio planas strikojn.

Ĵaŭdo, 1-a de novembro 2007

• Venezuelaj civitanoj, ĉefe studentoj kaj profesoroj, proteste marŝas kontraŭ konstitucia reformo proponata de la prezidanto Hugo Chávez.
• Mortas Paul Tibbets, kiu lanĉis atombombon sur Hiroŝimo en aŭgusto 1945. Antaŭ ol morti li diris, ke li refarus ĉion denove.