Nukleoj

La okulmova nervo (KN III) ekestiĝas de la antaŭa parto de la mezencefalo (mezcerbo). Ekzistas du nukleoj por la okulmova nervo:

• La okulmova nukleo originas sur la nivelo de la supra koliklo. La muskoloj kiujn ĝi kontrolas estas la striita muskolo en levator palpebrae superioris kaj ĉiuj eksterokulaj muskoloj krom la supera oblikva muskolo kaj la laterala rectus-muskolo.
• La Edinger-Westphal nukleo liveras parasimpatajn fibrojn al la okulo per la cilia ganglio, kaj tiel kontrolas la sphincter pupillae muskolon (realigante pupilkonstrikton) kaj la cilian muskolo n (reguligante akomodo n).

Simpataj postgangliaj fibroj ankaŭ eniras la nervon de la plekso sur la interna karotida arterio en la muro de la kaverneca sinuso kaj estas distribuitaj tra la nervo, ekz., al la glata muskolo de la supra tarsa muskolo (la muskolo de Mueller).

Eliro el la cerbo

Elirante el la cerbo, la nervo estas provizita kun ingo de pia mater, kaj enfermita en plilongigo de la araknoido.

Ĝi pasas inter la supraj cerebelaj (malsupre) kaj malantaŭaj cerbaj arterioj (supre), kaj tiam alenas la duramatron antaŭe kaj laterale de la malantaŭa klinoida proceso, pasante inter la liberaj kaj fiksitaj limoj de la tentorium cerebelli.

Ĝi etendiĝas laŭ la laterala muro de la kaverneca sinuso, super la aliaj orbitalaj nervoj, ricevante en sia pado unu aŭ du filamentojn de la kaverneca plekso de la simpata, kaj komunikantan branĉon de la oftalma sekcio de la triĝemela nervo.

supra kaj malsupra branĉoj

Ĝi tiam disiĝas en du branĉojn, kiuj eniras la okulkavon tra la supra orbitala fisuro, inter la du kapoj de la laterala rectus-muskolo.

Ĉi tie la nervo estas lokita sub la troklearnervo kaj la fruntaj kaj larmglandaj branĉoj de la okulonervo, dum la nazociliara nervo estas lokita inter ĝiaj du branĉoj:

• supra branĉo de la okulmova nervo
• malsupra branĉo de okulmova nervo

okulmuskoloj

Kraniaj nervoj III, IV, kaj VI estas kutime testitaj kune. La ekzamenanto tipe instrukcias la pacienton teni sian kapon senmova kaj sekvi nur per la okuloj fingron aŭ plumlumon kiu ĉirkaŭlimigas grandan "H" antaŭ la paciento. Observante la okulmovo n kaj palpebro jn, la ekzamenanto povas akiri multe da informoj pri la ekstraokulaj muskoloj, la levator palpebrae superioris-muskolo, kaj la kraniaj nervoj III, IV, kaj VI.

Ĉar la okulmova nervo kontrolas la plej multajn el la okulomuskoloj, povas esti pli facile detekti difekton en ĝi. Difekto en tiu nervo, nomita okulmova nervoparalizo estas ankaŭ konata laŭ la malsupren-kaj-eksteren simptomoj, pro la pozicio de la trafita okulo.

Pupilreflekso

La okulmova nervo ankaŭ kontrolas la konstrikton de la pupilo j kaj dikigon de la lenso de la okulo. Tio povas esti testita laŭ du ĉefaj manieroj. Movante fingron direkte al la vizaĝo de persono por provoki akomodo n, samtempe kun strabiĝo, la pupiloj devus kuntiriĝi.

Direkti lumon en unun okulon devus gvidi al egala kuntiriĝo en la alia okulo. La neŭronoj en la vidnervo kruciĝas en la optika kiasmo kie kelkaj transiras al la kontraŭlaterala vidnervopado. Tio estas la bazo de la " svingiĝanta torĉlampo-testo".