Nedeljka SUBOTIĆ (1924-2000) mortis la 28-an de majo en Beogrado. E-isto de 1955, ŝi tuj aliĝis al UEA kaj ekservis kiel delegito pri instruado kaj turismo. Ŝi funkciis kiel sekretario de Jugoslavia E-Instituto, anis en la LKK de la Beograda UK (1973), gvidis kursojn kaj verkis originale kaj traduke. Ŝiaj poemoj aperis en la volumo Reeĥoj (1961), en la revuoj La Progreso, La Suda Stelo ktp, ŝiaj tradukoj prozaj kaj poeziaj en Antologio de la serba parola literaturo (1991) kaj Antologio de la serba poezio (1998).