| Nacia Muzeo de Dekoraciaj Artoj | |||
|---|---|---|---|
 | |||
 | |||
| arta muzeo • nacia muzeo • muzeo | |||
| Lando | Argentino vd | ||
| Situo | Bonaero | ||
| Adreso | Av. del Libertador 1902 | ||
| Poŝtkodo | C1425AAS | ||
| Estiĝo | 1937 | ||
| Koordinatoj | 34° 34′ 55″ S, 58° 24′ 5″ U (mapo)-34.582-58.4015Koordinatoj: 34° 34′ 55″ S, 58° 24′ 5″ U (mapo) | ||
| |||
| Retpaĝo | https://museoartedecorativo.cultura.gob.ar/ | ||
La Bonaera Nacia Muzeo de Dekoraciaj Artoj (hispane Museo Nacional de Arte Decorativo) estas dekoracia muzeo en la argentina ĉefurbo Bonaero.
Ĝi estis kreita kaj malfermita en 1937 post la akiro, fare de la Ŝtato, de la konstruaĵo kiu estis la Errázuriz-palaco de Matías Errázuriz Ortúzar (ĉilia ambasadoro en Argentino) kaj lia edzino Josefina de Alvear. Ambaŭ amasigis kolekton de artobjektoj kaj mebloj kiujn la Ŝtato akiris samtempe. La muzeo dependas de la Ministerio pri Kulturo de la Nacio.
La konstruaĵo, konstruita inter 1911 kaj 1917, estas en la franca neoklasika stilo. Ĝi estis desegnita de la arkitekto René Sergent.
Ĝi situas en la iama Palacio Errázuriz sur Avenida del Libertador en la distrikto Palermo kaj estas vizitebla de mardo ĝis dimanĉo de 12:30 ĝis 19:00.
La muzeokonstruaĵo ankaŭ estas la ĉefsidejo de la Academia Argentina de Letras.
Kolekto
Pli ol 4 000 objektoj videblas en la dek du ekspoziciejoj, inkluzive de pentraĵoj de El Greco, Jean Honoré Fragonard kaj Édouard Manet, skulptaĵoj el antikveco kaj de Auguste Rodin, orientazia arto, gobelinoj, porcelano, meblaro de la 18-a jarcento kaj kolekto de miniatura arto. La konstanta ekspozicio estas kompletigita per provizoraj ekspozicioj, kaj ankaŭ koruskoncertoj kaj kursoj okazas regule.
El la konstanta kolekto
- Skulptaĵoj: Antoine Coysevox, Auguste Rodin, Antoine Bourdelle, Ossip Zadkine, Pierre Chinard, Jules Roulleau, Cristoforo Mantegazza, Alberto Lagos, Claude Michel Clodion, Joseph Pollet, Paolo Troubetzcoy, Scipione Tadolini, Joseph Chinard, Léon-Ernest,
- Miniaturoj: specimenoj de eŭropa origino de la 16-a ĝis 20-a jarcentoj, akvareloj, emajloj, guaŝoj.
- Meblaro: verkoj de la meblistoj George Jacob, Jean Charles Ellaume, Abraham Roentgen, François-Honoré-Georges Jacob-Desmalter, Pierre Langlois, Claude-Charles Saunier, Jean-Henri Riesener, René Dubois
- Oraĵaro: verkoj de Pierre Gouthière, François-Thomas Germain.
- Pentraĵoj: El Greco, Mateo Cerezo, skolo de Lucas Cranach la Maljuna, Fragonard, Camille Corot, Edouard Manet, Henri Fantin-Latour, Manet, Hermen Anglada Camarasa, Joaquín Sorolla, José María Sert, Raquel Ruysch, Jean Baptiste Greuze, Joseph Vernet, Michele Mariechi, Alfred de Deux, Luis de Morales, Eugène Boudin, John Singer Sergent, Nicolas Antoine Taunay, Franz Xavier Winterhalter, Marie Thérèse Geraldy, Aleksandro, Katia kaj Zenaida Serebriakova, Konstantin Somov, Alexandre Benois, Dimitri Levitzki, Giovanni Battista Lampi, Fernando Álvarez de Sotomayor, François Honoré Rigaud kaj Ros, Carl van Loo, Jean-Laurent Mosnier, Hubert Robert.
- Porcelanoj: Sèvres, Limoge, Vincennes, Chantilly, Mennecy, Meissen, Capucine. (Molda pasto kaj malmola pasto). Ankaŭ ĉina porcelano de la Ming, Chien Lung kaj Yung-Chang periodoj.
- Tapiŝoj: fabrikaĵoj el Tournai (15-a jarcento), Bruselo (malfrue 16-a jarcento ), Beauvais (18-a jarcento) kaj Gobelinoj.
Galerio
Jesuo portanta la krucumo supren, El Greco
Portreto de Abbé Hurel, Édouard Manet
La Ofero de la Rozo, Jean-Honoré Fragonard
Vidado de Kastelo Sant'Angelo, Jean Baptiste Camille Corot
Portreto de sinjoro, Johannes Cornelisz Verspronck
Aĵpentraĵo, Rachel Ruysch
Josefina de Alvear de Errázuriz, Joaquín Sorolla
Josefina de Alvear de Errázuriz, Giovanni Boldini
Referencoj
Eksteraj ligiloj
- Vidu ankaŭ en la Vikimedia Komunejo la kategorion Nacia Muzeo de Dekoraciaj Artoj (Bonaero) – (Kolekto de bildoj kaj plurmediaj dosieroj)
- [http:// Oficiala retejo]