| Muzeo de Arto Gansong | |||
|---|---|---|---|
| arta muzeo | |||
| Lando | Sud-Koreio vd | ||
| Situo | Seulo | ||
| Estiĝo | 1938 | ||
| Koordinatoj | 37° 35′ 39″ N, 126° 59′ 48″ O (mapo)37.59420278126.99657778Koordinatoj: 37° 35′ 39″ N, 126° 59′ 48″ O (mapo) | ||
| |||
| Retpaĝo | http://www.kansong.org | ||
La Gansong Arta Muzeo (koree 간송미술관, antaŭe konata kiel Bohwagak (보화각) estas privata sudkorea muzeo, kiu troviĝas en Seongbuk-dong, Seongbuk-gu, Seulo, Sud-Koreio.
Ĝi estis fondita en 1938 fare de Jeon Hyeongpil (1906-1962), kolektanto kaj edukisto kiu uzis la pseŭdonimon Gansong kaj laŭ kiu la muzeo estas nomita [1]. La muzeo havas areon de 13 223 m² [2]. La Bohwagak Konstruaĵo enhavas la kulturajn trezorojn kiujn Jeon Hyeong-pil kolektis, kie la plej multaj el la restaĵoj estas naciaj trezoroj.
La celo de la muzeo estis konservi koreajn artaĵojn por malhelpi senposedigon de eksterlandanoj, aparte la Imperio de Japanio, dum la japana okupo de Koreio [3]. En tiu tempo, multaj koreaj kulturaj trajtoj estis prirabitaj fare de Japanio, kiel ekzemple Goryeo-porcelano, Budho-statuoj faritaj dum la Silla-regno, aŭ dokumentoj kaj libroj faritaj en la Joseon- dinastio. Jeon Hyeongpil kontribuis je sia propra elspezo al la elspezoj por protekti korean arton kaj kulturon [4].
La muzeo havas kelkajn el la plej prestiĝaj koreaj artaĵoj kiel la Hunminjeongeum (Nacia Trezoro n-ro 70 de Koreio), la libro de Donggukjeongun parto 1 kaj 2 (Nacia Trezoro n-ro 71 de Koreio), Geumdong gyemimiyeong samjonbul (Nacia Trezoro n-ro 71 kaj 72 de Koreio) kaj Hyewon pungsokdo.
Ekde ĝia remalfermo en oktobro 1971, ĝi bonvenigas la publikon nur 4 semajnojn jare, 2 en majo kaj 2 en oktobro por temaj ekspozicioj. La alta kvalito de ĝiaj kolektoj signifas, ke ĉiujare ĝi bonvenigas kelkcent milojn da vizitantoj [5]. Vizitantoj povas vidi provizorajn ekspoziciojn de korea arto sur la dua nivelo de la muzeo ĉe Dongdaemun Design Plaza (DDP).
Referencoj
- ↑ 간송미술관(澗松美術館) (koree). Alirita 2024-01-13.
- ↑ http://english.visitkorea.or.kr/enu/SI/SI_EN_3_1_1_1.jsp?cid=652233
- ↑ Gansong Art Museum to Display National Treasures from KBS Global
- ↑ Brief information about Gansong Art Museumfrom Yahoo Korea dictionary Arkivigite je 2007-03-14 per la retarkivo Wayback Machine
- ↑ http://french.korea.net/actualites/View.asp?serial_no=20101025001&part=122%5Brompita+ligilo%5D
Galerio
Cheongja unhak sanggam munmaebyeong, la 68anacia trezoro
Hunmin Jeongeum
portreto de belulino pentrita de Hyewon
portreto de belulino de la Haenam Yun familio
Pajeokdo dezgnita de Kim Deuksin
trinkfesto de Hyewon pungsokdo dezagnita de Hyewon
Susik deukgyek (수식득격 瘦式得格) pentrita kaj skribita deChusa
Gwuiraejeong (귀래정 歸來亭)
Eksteraj ligiloj
- Gansong Art Museum (간송미술관 澗松美術館) (Korean). Empas/EncyKorea. Alirita 2008-04-11.