| Wartau | |
|---|---|
 Blazono de Wartau | |
 Preĝejo de Gretschin en Wartau | |
| komunumo en Svislando | |
| Kantono | Sankt-Galo |
| Distrikto | Elektodistrikto Werdenberg |
| Koordinatoj | 47° 5′ 0″ N 9° 20′ 0″ O / 47.08333 °N, 9.33333 °O (mapo)Koordinatoj: 47° 5′ 0″ N 9° 20′ 0″ O / 47.08333 °N, 9.33333 °O (mapo) |
| Nombro de loĝantoj | 4987 |
| Areo | 41,74 km² |
| Alteco | 468 m super marnivelo |
| Poŝtkodo | 9976-4979 |
| Komunumkodo | {{{kodo}}} |
 Mapo de Wartau | |
Pri la komunumo
Wartau estas komunumo en la elektodistrikto Werdenberg, Kantono Sankt-Galo, Svislando. Ĝi havis 4987 loĝantojn je la 31-a de decembro 2006.
Geografio
Wartau situas en la Sankt-Gala Rejnvalo inter la monto Gonzen en okcidento unuflanke kaj aliflanke en oriento la bordo de la rivero Rejno, kiu estas la landlimo kun la princlando Liĥtenŝtejno. En nordo la komunumo limas al Sevelen kaj en sudo kaj oriento al la elektodistrikto Sarganslando. La komunumo konsistas el la vilaĝoj Weite (poŝtkodo: 9476), Fontnas (poŝtkodo: 9476), Trübbach (poŝtkodo: 9477), Azmoos (poŝtkodo: 9478), Malans (poŝtkodo: 9479) Oberschan (poŝtkodo: 9479) kaj Gretschins (poŝtkodo: 9479). Krome al la komunumo apartenas la setlejoj Plattis, Murris kaj Matug.
Trafiko
La municipoj Weite kaj Trübbach posedas stacidomon ĉe la trajnlinio de la Svisaj Federaciaj Fervojoj de Buchs SG al Sargans. La ceteraj municipoj atingeblas per poŝtaŭtobusoj kaj loka buso de Liĥtenstejno. Tra la komunumo ankaŭ pasas la nacia aŭtoŝoseo A13.
Historio
Arkeologaj trovaĵoj de semmaterialo pruvis, ke sur la teritorio de Wartau jam en la jaro 6000 antaŭ Kristo ekzistis kamparanoj, kiuj konis agrikulturon. Tiuj trovaĵoj el la meza ŝtonepoko apartenas al la plej malnovaj spuroj pri agrikulturo en Svislando. Komence de la 14-a jarcento eksetlis sur la teritorio de la komunumo valzoj.
Vidu ankaŭ
Eksteraj ligiloj
- Vidu ankaŭ en la Vikimedia Komunejo la kategorion Wartau – (Kolekto de bildoj kaj plurmediaj dosieroj)
| ||||||
