Pri la komunumo

Muri estas komunumo kaj ĉefloko de la samnoma distrikto de Kantono Argovio, Svislando. Ĝi havis 6778 loĝantojn je la 31-a de decembro 2008.

Geografio

Muri situas ĉe la supra fino de la valo de la rivero Bünz, kies fonto troviĝas sur ĝia tereno. La komunumo konsistas el tri partoj, kiuj situas ĉirkaŭ la monaĥejo, nome Wey, Langdorf kaj Egg, kaj diversaj etaj setlejoj.

Najbaraj komunumoj

La komunumo Muri limas en nordokcidento al Boswil, en nordoriento al Aristau, en oriento al Merenschwand, en sudoriento al Benzenschwil, en sudo al Beinwil, en sudokcidento al Geltwil, kaj en okcidento al Buttwil.

Trafiko

Muri situas ĉe la trajnlinio de la Svisaj Federaciaj Fervojoj de Araŭo tra Rotkreuz al Zugo. Krome ekzistas ek de Muri diversaj poŝtaŭtolinioj ekzemple al Zuriko kaj Affoltern ĉe Albis.

Historio

La unua dokumenta mencio de Muri datiĝas el la jaro 924 kiel Murahe. En la jaro 1027 fondiĝis la Monaĥejo Muri. La komunumo fariĝis en la jaro 1798 distriktĉefloko en la helveta Kantono Baden, kaj konservis tiun-ĉi funkcion, kiam la distrikto integriĝis en la jaro 1803 al la nova Kantono Argovio.

Famuloj

• Áron Balázs, hungara aktoro naskiĝis en Muri.

Vidu ankaŭ

• Aliaj lokoj kun la nomo Muri
• Muri AG (stacidomo)
• Distrikto Muri

Eksteraj ligiloj

• Oficiala retejo de la komunumo Muri
• Muri en la Historia Leksikono de Svislando

Komunumoj de la Distrikto Muri Abtwil • Aristau • Auw • Beinwil (Freiamt) • Besenbüren • Bettwil • Boswil • Bünzen • Buttwil • Dietwil • Geltwil • Kallern • Merenschwand (Benzenschwil) • Mühlau • Muri • Oberrüti • Rottenschwil • Sins • Waltenschwil