| Murego de Avilo | |||
|---|---|---|---|
 | |||
| urbomurego | |||
| Lando | Hispanio vd | ||
| Situo | Avilo | ||
| Situo | |||
| Geografia situo | 40° 39′ 27″ N, 4° 42′ 26″ U (mapo)40.657472222222-4.7072944444444Koordinatoj: 40° 39′ 27″ N, 4° 42′ 26″ U (mapo) | ||
| |||
| Parto de | Old Town of Ávila with its Extra-Muros Churches vd | ||
La Murego de Avilo estas romanika militista murego, kiu ĉirkaŭas la historian urboparton de la urbo Avilo, de la aŭtonoma regiono Kastilio-Leono, en Hispanio.
En la nuntempo, la historia urboparto, la murego kaj la preĝejoj ekstermuregaj estis deklaritaj kiel Monda heredaĵo de UNESKO. La murego estas aktiva faktoro tre grava en la urba strukturado de Avilo kaj historie ĝi partoprenis la distribuadon de la urba spaco inter la diversaj sociaj grupoj kiuj loĝis en Avilo. La murego reprezentis la dividon inter la "sovaĝa spaco" kaj la "civilizita". La kamparo, la plataĵo, estis la loĝejo de la kamparanoj kiuj estis la plej malalta klaso de la socio kaj kiuj subtenis la urbon. La kamparanoj devis pagi 80% de la kostoj de la urba infrastrukturo, inkluzive de la murego kiu havis la fonduson la riparo de la murego. La esplorado de la defenda strukturo de la murego konkludas ke ĝia formo similas al la muregoj konstruitaj en Andaluzio. La celo de la murego estas la defendado de la urbo kaj ĝi restis tiel en la reformoj de la 14-a jarcento kiuj plibonigis ĝin.
La murego estas posedaĵo de la hispana ŝtato kaj administrata de la Urbodomo de Avilo. Kelkaj sekcioj, kiuj koincidas kun kelkaj konstruaĵoj kiel palacoj aŭ preĝejoj (inter ili la katedralo) estas privataj.
Kvankam ekde la romia konkero ekzistis murego aŭ kadro, la nuna murego venas de la dua duono de la 12-a jarcento. Ĉi tiu kronologio baziĝas sur ĝia morfologio kaj en pluraj dokumentoj. La romia murego verŝajne estis el malpli granda perimetro, ĉi tio baziĝas en ke la muregoj de Leono havis perimetron de 1.700 m kaj tiu urbo estis pli grava ol Avilo. Malgraŭ tio oni malkovris ke ankoraŭ ekzistas du originalaj sekcioj de la primitiva romia murego, enmetitaj en la konstruita morego en la Mezepoko.
La Murego de Avilo estas la plej bone konservita murego en Eŭropo kaj la due plej granda post la Ĉina Murego. Ankaŭ ĝi estas la plej granda monumento lumigebla en la mondo.