Moskeo

La moskeo evoluis historie al aparta konstruaĵo, kie la ĉiutagaj preĝoj, specife la vendreda preĝo apartenas al la plej grava devo de la islamaj viroj. La tradicia moskeo estis uzata ankaŭ por kontrakti aŭ diskonigi aferojn. Al la moskeo apartenas turo nomata minareto, de kies supro laŭtkrias la muezino por preĝado.

Apud la moskeo kelkfoje funkcias madraso, religia lernejo por studi interalie la sanktan libron de islamanoj, la Koranon.

La honoro ĉe eniro de moskeo aperas en ritoj kiel sinlavado, demeto de la ŝuoj, enpaŝo per la dekstra kaj elpaŝo per la maldekstra piedo.

Kiel pramoskeo validas la loĝejo de Mahometo en Medino, en kiu oni jam orientis siajn preĝojn al la kiblo, t.e. al Mekko.

Nuntempa moskeo kutime havas antaŭkorton, en kiu plej ofte troviĝas putoj aŭ alia eblo por la rituala sinlavado. En la interno de la moskeo troviĝas neniu meblo, sed jes la kibla muro, kiu direktas la preĝantojn al Mekko kaj en kies centro lokiĝas senornama niĉo nomata mihrabo.

Gravaj moskeoj

Al-Azhar en Kairo, Egiptio, kun la plej grava sunaisma madraso.
Al-Haram en Mekko, la plej sankta.
Al-Nabaŭi en Medino, Sauda Arabio.
Al-Kods kaj la Kupolo de la Roko en Jerusalemo
Hagia Sofia, Aya Sofia, en Istanbulo, kirko ĉefverko de bizanca arĥitekturo, moskeigita en 1453 ĝis 1934, nun muzeo.
Babri en Ajodhjo, Hindio, sur ruino de hindua templo laŭ hinduismaj naciistoj kiuj perforte detruis la moskeon.
Moskeo Faisal en Islamabado, Pakistano.
Moskeo Hassan la 2-a en Kazablanko, Maroko.
Moskeo de Ibn Tulun en Kairo (Egiptio).
Sesdekkupola Moskeo en Ĥulno, Bangladeŝo.
Moskeo Kuŭat-al-Islam kaj Moskeo de la Vendredoj en Delhio, Barato.
Granda Moskeo (Dubajo)
Irana Moskeo (Dubajo)
Granda Moskeo de Samaro

Moskeoj ekster islama mondo

Ŝehitlik-moskeo en Berlino
Moskeo de Kordovo en Hispanio, kirko konstruita en moskeo.
Moskeo Omar Ibn Al-Ĥattab en La Guajira, Kolombio
Moskeo de Madrido
Moskeo Al-Salam en Odeso, Ukrainio

Bildaro

La Nova Moskeo, unu de la mejloŝtonoj de Istanbulo
Moskeo; Asŭano, Egiptio.
Lavantaj homoj antaŭ preĝo je la Badŝahi Masjid moskeo en Lahoro, Pakistano
Eno de la Kordova Moskeo en Kordovo, Hispanio kun kolonoj aranĝitaj en krada ŝablono.

Notoj

↑ Francisko Azorín, arkitekto, Universala Terminologio de la Arkitekturo (arkeologio, arto, konstruo k. metio), Presejo Chulilla y Ángel, Madrido, 1932, paĝo 144.
↑ Azorín, samloke.

Interretaj ligoj

ArchNet - islama arkitekturo Arkivigite je 2014-02-19 per la retarkivo Wayback Machine (angle)
Džamije - Bosniaj moskeoj fotitaj Arkivigite je 2021-04-17 per la retarkivo Wayback Machine (bosne k angle)

Vidu ankaŭ

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Francisko Azorín, arkitekto, Universala Terminologio de la Arkitekturo (arkeologio, arto, konstruo k. metio), Presejo Chulilla y Ángel, Madrido, 1932, paĝo 144.

[2] Azorín, samloke.

[1]

[2]