| Monteto de Tiscapa | |||
|---|---|---|---|
| monto | |||
| Alteco | 150 m | ||
| Situo | en la urba teritorio de Managvo, Nikaragvo | ||
| Geografia situo | 12° 8′ N, 86° 15′ U (mapo)12.136388888889-86.251388888889Koordinatoj: 12° 8′ N, 86° 15′ U (mapo) | ||
| |||
La monteto de Tiscapa estas malgranda monteto formita de antikva vulkano, kiu situas en la urbo Managvo. Ĝi estas tre grava en la historio de Nikaragvo. En ĝia kratero troviĝas la Lageto de Tiscapa.
Ĝia situo sude de la malnova centro de Managvo kaj geografia alteco, igis ĝin strategian lokon pro ĝia facila defendeblo kaj tuta vido al la urbo.
En 1894 dum la prezidanteco de la generalo José Santos Zelaya López oni konstruis la unuan fortikaĵon tie.
En 1934, la generalo Augusto C. Sandino estis kaptita, kiam li malsupreniris la monteton post la subskribo de packontrakton en la Prezidenta Palaco kun la tiama prezidanto Juan Bautista Sacasa kaj la generalo Anastasio Somoza García, kiu tiam estis ĉefdirektoro de la Nacia Gvardio de Nikaragvo (GN).
Norde de la monteto ekzistis ebenaĵo konata kiel Marsa Kampo, kie la Nacia Gvardio okazigadis ĝiajn militajn paradojn.