Rivero Mondego
rivero
Bazaj informoj
Longeco 234 km
Fluo
Geografio
Landoj Portugalio
Regionoj Coimbra

La rivero Mondego estas la kvina plej longa portugala rivero kaj la unua el ĉiuj, kiuj havas sian kurson tute en Portugalio. Ĝi naskiĝas en altaĵo de 1425 metroj en Serra da Estrela precize en submunicipo Mangualde da Serra, municipo Gouveia, kaj trairas 235 km en la tuta regiono de la Centro (Regiono Beiras) kaj havas sian finon en Atlantiko, apud la urbo Figueira da Foz.

La romianoj nomis ĝin la rivero Munda, kio signifas travideblecon, klarecon aŭ purecon.

Fluejo de la rivero Mondego.

Priskribo

Inter la urboj trapasataj elstaras Coimbra.

En la malsupra "Baixo Mondego" estas gravaj arbaroj de poploj, ulmoj kaj salikoj, el kiuj la plej fama estas sendube la Nacia Arbaro Choupal en la periferio de Coimbra. Tie nestumas la ĉefa urba kolonio de nigra milvo (Milvus migrans) de Eŭropo, kun preskaŭ 70 registritaj nestoj.[1]

Estas kelkaj lokoj de intereso por ornitologio, kiel la insulo Morraceira, kaj en la estuaro observeblas specioj kiel la platbeka anaso (Anas platyrhynchos), la blanka cikonio (Ciconia ciconia), la flamengo (Phoenicopterus roseus), la arĝentmevo (Larus argentatus), la avoceto (Recurvirostra avosetta), la himantopo (Himantopus himantopus) kaj la malgranda ŝterno (Sterna albifrons), kaj en la Serra da Estrela la cinklo (Cinclus cinclus) inter aliaj.[2]

Bildaro

Notoj

  1. ↑ [Aves observadas entre Figueira da Foz e Coimbra, Aves do Estuário do Mondego http://fotofigueira.blogspot.com/search/label/Aves%20do%20Estu%C3%A1rio%20do%20Mondego], alirita la 27an de oktobro 2020.
  2. ↑ Aves de Portugal, alirita la 27an de oktobro 2020.

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.