Molekula Mekaniko estas metodaro kiun oni kelkfoje kvalifikas kiel branĉo kaj de Teoria Kemio kaj de Komputika Kemio. Ĝi, per uzo de la Klasika Mekaniko klopodas modelumi molekulajn sistemojn. La Potencialan energion de ĉiu ajn sistemo oni kalkulas per fortokampoj. Molekula Mekaniko povas esti uzata por pristudi kaj malgrandajn molekulojn kaj gradegajn biologiajn sistemojn.

Ĉiu Molekula Mekaniko-Metodo havas la jenajn ecojn:

• Ĉiu atomo estas modelumata kvazaŭ ĝi estu simpla partikulo.
• Ĉiun partikulon oni asignas radiuson (ofte la Radiuso de van der Waals) kaj konstantan netan ŝargon (ĝenerale atingataj el kvantumaj kalkuloj ^kaj/_aŭ eksperimentoj).
• Kemiajn ligojn oni vidas kiel "risortaro" kies ekvilibra distanco egalas al la eksperimenta aŭ kalkulita ligolongo.

Oni uzas fortokampon por minimumigi la ligan plilongigan energion de ĉi tiu etana molekulo.

Potenciala Energio-Funkcio

La jenan matematikan esprimon oni konas en la Komputika Kemia fako kiel Potenciala Energio-Funkcio aŭ Fortokampo:

${\displaystyle \ E=E_{\text{kovalenta}}+E_{\text{nekovalenta}}\,}$

kie la kontribuoj kovalenta kaj nekovalenta samtempe egalas al:

${\displaystyle \ E_{\text{kovalenta}}=E_{\text{ligo}}+E_{\text{ligoangulo}}+E_{\text{duedrangulo}}\,}$

${\displaystyle \ E_{\text{nekovalenta}}=E_{\text{kulomba}}+E_{\text{van der Waals}}\,}$

Ĉi tial, oni havas entute la jenan Fortokampon:

${\displaystyle \ E=E_{\text{ligo}}+E_{\text{ligoangulo}}+E_{\text{duedrangulo}}+E_{\text{kulomba}}+E_{\text{van der Waals}}\,}$