| Modúbar de la Emparedada | |||
|---|---|---|---|
  | |||
| municipo en Hispanio | |||
|
|
| ||
| Flago | Blazono | ||
| Administrado | |||
| Poŝtkodo | 09620 | ||
| En TTT | Oficiala retejo [+] | ||
| Demografio | |||
| Loĝantaro | 777 (2023) [+] | ||
| Loĝdenso | 66 loĝ./km² | ||
| Geografio | |||
| Geografia situo | 42° 16′ N, 3° 40′ U (mapo)42.26-3.6597222222222Koordinatoj: 42° 16′ N, 3° 40′ U (mapo) [+] | ||
| Alto | 886 m [+] | ||
| Areo | 11,75 km² (1 175 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Modúbar de la Emparedada [+] | |||
Modúbar de la Emparedada [moDUbar delaempareDAda] estas loĝloko kaj municipo en la centro de la provinco Burgoso, en la regiono Kastilio-Leono, Hispanio. Ĝi apartenas al la komarko Alfoz de Burgos.
Geografio
Ĝia municipa teritorio okupas totalan areon de 11,75 km² kaj laŭ la demografia informo de la municipa censo fare de la INE en 2021, ĝi havis 768 loĝantojn. Ĝi perdis loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono, sed poste rekuperiĝis pro la proksimeco al la provinca ĉefurbo.
Ĝi distas 14 km de Burgoso, provinca ĉefurbo, kaj estas ĉe la valo de la samnoma rivero Modúbar. La municipop enhavas ankaŭ la loĝlokon Cojóbar [koĤObar].
Etimologio
La origino de la loknomo Modúbar ŝajne estas rilata al araboj kiuj nomis la riveron Modúbar (en araba, مدور mudawwar, kiu signifas rondoforma) aŭ laŭ aliaj teorioj povus deveni el antaŭromia vorto referenca al termontetoj. Pri la kromnomo Emparedada (enmurigitino), estas legendo pri riĉa sinjorino akceptita en la preĝejo post eksplodo de pesto kaj kuracita inter la muroj de la preĝejo, sed ankaŭ prie estas alternativa teorio kiu sugestas korupton de "Emperador" (imperiestro) reference al la reĝo Alfonso la 6-a.
Historio
Oni trovis arkeologiajn restaĵojn el Prahistorio en Altotero.
La areo apartenis unue al la Regno Kastilio. En Mezepoko okazis reloĝado fine de la 9-a jarcento.
Modúbar formis parton de la Alfoz y Jurisdicción de Burgos en la partido de Burgos, unu el dek kvar kiuj formis la komunumon Intendencia de Burgos. Estis reĝlanda jurisdikcio kun vicurbestro.
La loko havis fervojan stacion de la linio Santander-Mediterráneo, kiu funkciis inter 1930 kaj 1985. En la aktualo la iama fervojo estis konvertita en verda vojo.
Aktualo
Tradiciaj enspezofontoj estis agrikulturo (cerealoj) kaj brutobredado (ŝafoj). Lastatempe plej ekgravis kultura kaj rura turismo, ekzemple piedirado tra naturaj lokoj. Inter vidindaĵoj menciindas la preĝejoj de Asuncio kaj de Sankta Kristoforo.
Estas kverkoj sur la monto kaj poploj, salikoj kaj fruktarboj en la valo. Nuna ekonomio estas bazata sur agrikulturo (cerealoj), industrio (fabriko de miksita furaĝo en Cojóbar) kaj servoj (konstruado kaj gastado ĉefe).