Milan Horáček
Persona informo
Milan Horáček
Naskiĝo	30-an de oktobro 1946 (1946-10-30) (77-jaraĝa) en Velké Losiny
Lingvoj	germana • ĉeĥa vd
Ŝtataneco	Germanio vd
Alma mater	Universitato de Frankfurto vd
Partio	Alianco '90/La Verduloj • Verda Partio vd
Profesio
Okupo	politikisto vd
Aktiva en	Strasburgo • Bonno • Bruselo vd
Postenoj Postenoj membro de la parlamento de Germanio • membro de la Eŭropa Parlamento • substitua membro en la Parlamenta Asembleo de la Konsilio de Eŭropo vd
Honorigoj Honorigoj participant in the resistance and resistance against communism • USTR Prize for Freedom, Democracy and Human Rights vd
Membrecoj Membrecoj Parlamenta Asembleo de la Konsilio de Eŭropo vd
vd	Fonto: Vikidatumoj

Milan Horáček (naskiĝis la 30-an de oktobro 1946) estas germana politikisto de ĉeĥa deveno. Li membras en la Eŭropa Verda Partio kaj en ties naciaj branĉoj en Germanio kaj Ĉeĥio. Inter la jaroj 1965 kaj 1967, li ekhavis problemojn kun la ŝtataj aŭtoritatoj pro sia demokratieca politika aktivismo en la komunisma Ĉeĥoslovakio, kaj post la ŝtata subpremo de la "praga printempo" devis elmigri al Germanio. Li laboris en industria entrepreno kaj por sindikata magazino. Inter 1976 kaj 1981 li studis politologion en Frankfurto-ĉe-Majno, kaj dum 1979/1980 estis inter la fondantoj de la germana verda partio. Dum la 80-aj jaroj li por la verda partio aktivis en la federacia lando Hesio, kaj ekde 1983 estis membro de la nacia parlamento Bundestag. Krom pri verdaj politikaj temoj, Milan Horáček en la ekzilo pluaktivis pri dissemo de demokratiaj ideoj en Ĉeĥoslovakio. Li estis eldonisto de la ĉeĥlingva ekzila magazino Listy ("listoj"). Dum la jaro 1990, kiam demokratiiĝis Ĉeĥio, li rericevis sian ĉeĥan ŝtatanecon kaj la ĉeĥa prezidento Václav Havel nomumis lin persona konsilanto.

Milan Horáček, 2009

Dum la oficperiodo 2004 ĝis 2009, Milan Horáček estis membro de la Eŭropa Parlamento kaj apartenis al la parlamenta Frakcio de la Verduloj kaj Eŭropa Libera Alianco (Verduloj/ELA).