| Miklós Rábai | |
|---|---|
| Persona informo | |
| Naskiĝo | 18-an de aprilo 1921 en Békéscsaba |
| Morto | 18-an de aŭgusto 1974 (53-jaraĝa) en Budapeŝto |
| Tombo | Tombejo Farkasrét |
| Ŝtataneco | Hungario |
| Okupo | |
| Okupo | dancisto • koreografo • folkloristo |
Miklós RÁBAI [miklOŝ], hungare Rábai Miklós estis hungara koreografo, dancisto, instruisto kaj profesoro.
Miklós Rábai naskiĝis la 18-an de aprilo 1921 en Békéscsaba. Li mortis la 18-an de aŭgusto 1974 en Budapeŝto.
Biografio
Miklós Rábai origine estis instruisto pri kemio, sed en la lernejo li gvidis ankaŭ dancogrupon. Ekde 1949 li edukis dancadon en ĉeflernejo en Budapeŝto kaj li gvidis dancensemblon de studentoj. Tiam li komencis fari koreografiaĵojn. En 1951 li transprenis artan gvidadon de ĵus fondita dancogrupo "Ŝtata Popola Ensemblo". Tie li prezentis novan solvon: agordo de kanto, muziko kaj danco. Li estis estro de la ensemblo en 1971. Lia grupo havis koncertojn en la 5 kontinentoj. Li ricevis premion Kossuth en 1952, poste ankaŭ aliajn 2 premiojn.
Liaj koreografiaĵoj (elekto)
- Drágszéli szvit, Békési lakodalmas, A nagyot mondó, Bíró Szép Anna, Ludas Matyi, Este a fonóban, Üveges tánc, Pontozó.
Memorigiloj
- stratoj en Békéscsaba kaj Gyula
- arta centro en Ecser