Mjeŝko la 1-a
Duko de Pollando
Mjeŝko pentrita de Jan Matejko, 19-a jarcento
Regado	ĉirkaŭ 960–992
Antaŭulo	Siemomysław
Sekvanto	Boleslao la 1-a, lia filo
Ceteraj titoloj	pola princo
Persona informo
Mieszko I
Naskiĝo	922-945
Morto	25-an de majo 992 (0992-05-25)
Tombo	Katedralo de Poznano vd
Religio	slava religio • katolikismo vd
Familio
Dinastio	Piastoj vd
Patro	Siemomysl vd
Patrino	Gorka vd
Gefratoj	Cidebur • Adelajda Biała Knegini vd
Edz(in)o	Oda von Haldensleben • Dobrava vd
Infanoj	Boleslao la 1-a de Pollando • Sigrid la Fiera • Mjeŝko Mjeŝkovic • Świętopełk • Lambert • Gunhilda • Vladivoj vd
Profesio
Okupo	politikisto • suvereno vd
Postenoj Postenoj Duke of Poland vd
Margrafo de la Norda Markio
vd	Fonto: Vikidatumoj

Mjeŝko la 1-a, pole Mieszko (naskiĝis 922-945, mortis la 25-an de majo 992) estis duko de Pollando el la dinastio Piastoj reganta de ĉirkaŭ 960. Li estis filo de Siemomysł, nepo de Lestek, patro de Boleslao la 1-a kaj la filino Sigrid. Krome li estis frato de Czcibor (latine Cidebur), kaj laŭ patrina parenceco avo de Knuto la Granda. La nepoj de Mjeŝko la 1-a lernis jam la grekan lingvon kaj la latinan en Krakovo.

Supozata grandeco de la lando de Mjeŝko la 1-a

Vivo

Mjeŝko la 1-a estas unua historia reganto de polanoj (konjektata antikva tribo, antaŭuloj de la nunaj poloj), konsiderata fakta kreinto de la pola ŝtateco. Li daŭrigis politikon de sia patro kaj avo, kiuj kiel regantoj de pagana princlando troviĝanta sur la terenoj de la nuntempa Grandpolujo, pere de aliancoj kaj militforto subordigis al si Kujavion kaj verŝajne Orientan Pomerion kaj Mazovion. Dum pli granda periodo de sia regado li batalis pri Okcidenta Pomerio, okupante ĝin ĝis la rivero Odro. Dum siaj lastaj vivojaroj lia armeo ekmilitis kun Ĉeĥio konkerante Silezion kaj verŝajne Malgrandpolujon.

Danke al kristanigo en 966 kaj edziĝo (en 965) kun Dobrava Mjeŝko enigis sian ŝtaton en la kulturon de okcidenta kristanismo. Krom konkerado grandan signifon por estonteco de la princlando estis internaj reformoj por plua konstruo kaj plibonigo de la ŝtato.

La Ora Kapelo en la Katedralo de Poznano, la statuoj de Mjeŝko la 1-a kaj Boleslao la 1-a

Konservitaj fontoj permesas aserti, ke Mjeŝko estis lerta politikisto, talenta militisto kaj karisma reganto. Li lertis en diplomatio ligante aliancojn unue kun Ĉeĥio, poste kun Reĝlando Svedio kaj la Sankta Romia Imperio de Germana Nacio. En eksterlanda politiko gvidis sin antaŭ ĉio laŭ naciaj aferoj paktante eĉ kun siaj pli fruaj malamikoj. Al siaj filoj postlasis la ŝtaton kun pli alta pozicio en Eŭropo kaj almenaŭ duobligita teritorio.

Bibliografio

Fontaj tekstoj

• Gallus Anonymus, Pola kroniko, tradukis al la pola Roman Grodecki, enkonduko kaj prilaboro Marian Plezia, Eldonejo Ossolineum, Vroclavo 2003, ISBN 83-04-04610-5
• Thietmar de Merseburg, Kroniko, en pola traduko eldonita en Vroclavo 2004.

Literaturo

• Jerzy Strzelczyk, Mieszko I (Mjeŝko la 1-a), eldonejo Wydawnictwo Poznańskie, Poznano, 2013, p. 232
• Philip Earl Steele, Conversion and baptism of Mieszko I (Konverto kaj bapto de Mjeŝko la 1-a), eldonita en pola traduko Nawrócenie i chrzest Mieszka I en la eldonejo Wydawnictwo Avalon 2005, p. 152

Vidu ankaŭ

• Katedralo de Poznano
• Boleslao la 1-a (Pollando), lia filo
• Boleslao la 1-a (Bohemio), lia bopatro
• Sven Forkbarba, lia bofilo

La monumento de Mjeŝko la 1-a sur la urboplaco de Mieszkowice (germane Bärwalde in der Neumark)