MiaPlado (angle MyPlate) estas la nutraĵa gvidilo de la Departemento pri Agrikulturo de Usono. La gvidilo proponas manĝi porciojn de fruktoj, legomoj, grenoj, proteinoj kaj laktaĵoj. La retejo MyPlate enhavas rekomendojn pri nutrado kaj nutra sekureco. MiaPlado estas unu el la plej gravaj manieroj informi la loĝantaron pri la proporcio de fruktoj kaj legomoj, kiujn ĝi devas konsumi ĉiutage dum la manĝoj kaj estas alia maniero uzi la teorion de koloroj aplikita al ekvilibra manĝo.

MyPlate estas la plej nova nutraĵogvidilo de la Departemento pri Agrikulturo. Ĝiaj unuaj dietaj reguloj estis publikigitaj en 1894 de Dr. Wilbur Olin Atwater kiel bulteno de kultivistoj. Ekde tiam, la Departemento provizis diversajn nutradogvidlistojn por la publiko, inkluzive de la Bazaj 7 (1943-1956), la Bazaj 4 (1956-1992), la Piramido de Manĝaĵa Gvidilo (1992-2005), kaj MyPyramid (2005–2013).

Multaj aliaj registaroj kaj organizoj kreis nutradogvidlistojn. Iuj, kiel la Eatwell Plate de Britio, la aŭstralia Gvidilo al Sana Manĝado, kaj la sistemo Kreu vian pladon de la American Diabetes Association, ankaŭ uzas pladajn diagramojn.

En decembro de 2018, la Departemento pri Agrikulturo de Usono diskonigis planojn por modifi la limojn de MyPlate pri lakto, natrio, lerneja matenmanĝo kaj lernejaj manĝ-opcioj.