Meza Cinko en Aragono.

Meza Cinko (Cinca Medio en hispana, Cinca Meya en aragona) estas komarko de la sudo de la Provinco Ŭesko, en nordoriento de la regiono Aragono, en Hispanio ĉe la meza fluejo de la rivero Cinca. Ĝia ĉefurbo estas Monzón.

Vido de la kastelo en Monzón.

Ĝi limas nordoriente kun Somontano de Barbastro, oriente kun La Litera kaj sude kun Bajo Cinca kaj Monegros. La akso de la komarko estas la rivero Cinca. Nur la du plej nordaj municipoj iom apartiĝas orienten.

Ĝi estas unu de la aragonaj komarkoj kun plej granda loĝdenseco, kun 41,32 loĝ/km² (2019). Ĝiaj ĉefaj enspezofontoj estas industrio kaj agrikulturo.

Municipoj

Ĝi enhavas jenajn naŭ municipojn:

Municipoj de Meza Cinko.

La komarko kiel institucio

La leĝo de la komarkokreo estas la leĝo 3/2002 de la 25-a de marto 2002.[1] La komarko konstituiĝis en la 17-a de majo 2002. La regokapabloj estis transpasigitaj el la regiona registaro en la 1-a de julio 2002.

Nuntempa historio

Dum la Hispana Enlanda Milito kaj ĉefe pro agado de anarkiistoj de la CNT oni povis haltigi la klopodojn de la insurekcia puĉo de 18a de julio 1936 kaj oni establis sistemon de kolektiveco kadre de la socia revolucio kun ĉefaj centroj en Monzono, Binaced, Albalate, Alcolea ktp. Ĉio finiĝis per la atako de komunistoj en aŭgusto 1937, preskaŭ unu jaron antaŭ la alveno de la armeo de Franco.[2]

Notoj

  1. ↑ Ley de creación de la comarca de Cinca Medio
  2. ↑ "Las colectividades del Cinca Medio durante la guerra civil (1936-1938)" Arkivigite je 2022-08-19 per la retarkivo Wayback Machine de AMBER J. SEWELL
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.