 Kiel legi la taksonomion | ||||||||||||||
|---|---|---|---|---|---|---|---|---|---|---|---|---|---|---|
 Doria akcipitro | ||||||||||||||
| Biologia klasado | ||||||||||||||
| ||||||||||||||
| Megatriorchis doriae (Salvadori & D'Albertis, 1875) | ||||||||||||||
| Konserva statuso | ||||||||||||||
Aliaj Vikimediaj projektoj | ||||||||||||||
La Doria akcipitro, Megatriorchis doriae, estas rabobirdo de la familio de Akcipitredoj, kaj la ununura membro de la genro Megatriorchis.
Aspekto
Ĝis 69 cm longa, ĝi estas inter la plej grandaj akcipitroj en larĝa senco. Ĝi estas grizecbruna kun nigrastriaj krono kaj supraj partoj, blankecaj subaj partoj, nigra strio malantaŭokula, malhelbrunaj irisoj, nigreca beko kaj verdecflavaj kruroj. Ambaŭ seksoj estas similaj. La ino estas iom pli granda ol la masklo.
La Doria akcipitro estas endemia de pluvarbaroj de malaltaj teroj de Novgvineo kaj de la insulo Batanta ĉe Okcidenta Nov-Gvineo. La dieto konsistas ĉefe el birdoj, inklude la specion de la Malgranda paradizbirdo, kaj aliajn malgrandajn animalojn.
Konservostatuso
Pro pliiĝanta habitatoperdo, la Doria akcipitro estis pritaksata kiel Preskaŭ Minacata en la IUCN Ruĝa Listo de Minacataj Specioj. Ĝi estas listita en la Apendico II de CITES.
Etimologio
En la genronomo, "Mega-" estas la greka vorto por "granda". "Triorchis" estas greka por tipo de akcipitro supozeble havanta tri testikojn—vidu artikolon pri Eutriorchis por pliaj detaloj. La specia scienca nomo rememoras la italan naturaliston Giacomo Doria.
Referencoj
Eksteraj ligiloj
- BirdLife Species Factsheet Arkivigite je 2007-09-29 per la retarkivo Wayback Machine
- IUCN Ruĝa Listo
| ||||||||||||||||||