Masenergia ekvivalento

La formulo de masenergia ekvivalento estis montrata sur Taipei 101 dum la evento de la Monda Jaro de Fiziko en 2005.

En fiziko, masenergia ekvivalento estas la rilato inter maso kaj energio en la ripoza kadro de sistemo, kie la du valoroj diferencas nur per konstanto kaj la mezurunuoj. La principon priskribis la fama formulo de la fizikisto Albert Einstein: $E=mc^{2}$ . La formulo difinas la energion $E$ de partiklo en ĝia ripoza kadro kiel la produto de maso ( $m$ ) kun la kvadratita lumrapido ( $c^{2}$ ). La principo estas fundamenta por multaj kampoj de fiziko, inkluzive de nuklea kaj partikla fiziko.

Priskribo

La masenergia ekvivalento asertas, ke ĉiuj objektoj kun maso havas korespondan internan energion, eĉ kiam ili senmovas. En la ripoza kadro de objekto, kie laŭ difino ĝi estas senmova kaj do ne havas movokvanton, la maso kaj energio ekvivalentas kaj diferencas nur per konstanto, la kvadratita lumrapido ( $c^{2}$ ).^[1]

Referencoj

↑ Serway, Raymond A.; John W. Jewett, Vahé Peroomian. (januaro 2013) Physics for scientists and engineers with modern physics, 9‑a eldono, p. 1217–1218. ISBN 978-1-133-95405-7. OCLC 802321453.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Serway, Raymond A.; John W. Jewett, Vahé Peroomian. (januaro 2013) Physics for scientists and engineers with modern physics, 9‑a eldono, p. 1217–1218. ISBN 978-1-133-95405-7. OCLC 802321453.

[1]