La masakro de Sand Creek okazis en Usono, la 29-an de novembro 1864. La masakron de indianoj gvidis John M. Chivington kaj efektivigis kun solduloj de Colorado. Ili masakris kelkcentojn da viroj, virinoj kaj infanoj, kvankam tiuj flirtis blankan flagon. La viktimoj estis skalpitaj, la kadavroj estis torturitaj, stumpigitaj.

Oni trovis oron en la 1850-aj jaroj en okcidenta parto de Kansas. La evento allogis amason da blankuloj, kiuj venis en konflikton kun la indianaj triboj de Cheyenne kaj Arapaho.

La konflikto tiel akriĝis, ke guberniestro John Evans komisiis setlejiston John M. Chivington kaj liajn memvarbitajn soldatojn pri restarigo de la paco. Post bataletoj, la indianoj emis al packontrakto, sed Chivington pensis alion.

Li kaj lia taĉmento murdis tutan bivakon de la indianoj la 29-an de novembro 1864. Okulatestanto de la afero estis George Bent, filo de pelt-komercisto, kiu notis kaj diskonigis la eventojn.

Kvankam la militistara gvidantaro dekretis pri esplorado, la murdistoj restis senpunitaj.