Jen listo de okazaĵoj en marto 2019

5-a de marto

• Gravaj tutlandaj manifestacioj en Alĝerio kontraŭ la kandidatiĝo de Abdelaziz Bouteflika al kvina prezidenta mandato.

8-a de marto

• Okazis en multaj landoj manifestacioj kaj aliaj protestaj kaj postulaj luktaj agadoj pro la Tago de la Virinoj.
• Kosmoŝipo Crew Dragon de kompanio SpaceX surteriĝis en Atlantiko kaj tiel sukcese finis sian unuan flugon al Internacia Kosmostacio.

10-a de marto

• Apud etiopia urbo Adis-Abebo kraŝis aviadilo Boeing 737 de la kompanio Ethiopian Airlines kun 157 homoj.

15-a de marto

• Atenco en du moskeoj de Christchurch, Nov-Zelando,fare de aŭstralia ekstrem-dekstremulo, kaŭzis almenaŭ 49 mortintojn. (Vidu la ĉefan artikolon: Atenco en Christchurch)

19-a de marto

• La prezidanto de Kazaĥio Nursultan Nazarbajev informis la popolon pri sia eksiĝo. Pli detale ĉe Vikinovaĵoj.

20-a de marto

• La prezidanto de la Supera ĉambro de la Parlamento de Kazaĥio Kasimĵomart Tokajev ĵuris kiel nova prezidanto de la lando. Pli detale ĉe Vikinovaĵoj.

21-a de marto

• Germana, dana, ĉeĥa kaj slovaka Vikipedioj malŝaltis sin por unu tago kiel protesto kontraŭ Direktivo pri Kopirajto en Unuiĝinta Cifereca Merkato.

30-a de marto

• Zuzana Čaputová estas elektita prezidanto de Slovakio, iĝanta la unua ino atinginta tiun oficon.