Mars Reconnaissance Orbiter (MRO; esperante "Marsa Skolta Orbitilo" aŭ, por konservi la akronimon, "Marsa Rekognoska Orbitilo") estas usona kosmosondilo lanĉita la 12-an de aŭgusto 2005. La 10-an de marto 2006 ĝi eniris elipsan orbiton ĉirkaŭ Marso ; tiu orbito iĝu iom post iom cirkla, kaj tiam la sondilo sendu tre precizajn (alt-distingajn) fotojn de ĝia surfaco, interalie por prepari estontajn surmarsiĝojn. Krome ĝi servu al plusendilo de radio-mesaĝoj inter estontaj sondiloj kaj Tero.
MRO estas parto de la Mars-Esplora Programo de NASA. Ĝi estis lanĉita per raketo Atlas-5 el Kennedy Space Center kaj enorbitiĝis ĉirkaŭ Marso en marto 2006. La programo estis planita por daŭri ĝis novembro 2008.
La kosmosondilo
La tuta maso de la MRO estas 2180 kg (1149 kg pelaĵo). La antaŭpela sistemo konsistas el 20 peliloj. Por forsendo de la informoj posedas ĝi grandpovuman kaj malgrand-povuman antenojn. Du sunpaneloj donas ambaŭ 1000 W da energio, kiun konservas du akumulatoroj.
Sciencaj mezuriloj
- HiRISE (High Resolution Imaging Science Experiment) kamerao;
- CRISM (Compact Reconnaissance Imaging Spectrometer for Mars) optika/IR spektrometro;
- MCS (Mars Climate Sounder) IR spektrometro;
- SHARAD (Shallow Subsurface Sounding Radar) radaro;
- MARCI (Mars Color Imager) kolora bildoforma instalaĵo;
- CTX (The Context Imager) griztonaj bildoj por konstrui mapoj el areoj 30 km largaj kaj, laŭ la interna memoro, ĝis 160 km longaj.
La kosmosondiloj de Mars Exploration Program
- Mars Odyssey (2001, Marsa orbito)
- Mars Exploration Rovers (2003, Marsa surfaco)
- Mars Reconnaissance Orbiter (2005, Marsa orbito)
- Mars Science Laboratory (2011, Marsa surfaco)
