Mark Catesby
Persona informo
Mark Catesby
Naskiĝo 24-an de marto 1683 (1683-03-24)
en Essex
Morto 23-an de decembro 1749 (1749-12-23) (66-jaraĝa)
en Londono
Lingvoj angla vd
Loĝloko Anglio vd
Ŝtataneco Reĝlando de Granda Britio vd
Memorigilo Mark Catesby
Familio
Patro John Mark Catesby, of Sudbury vd
Gefratoj Elizabeth Catesby vd
Profesio
Okupo botanikisto • ornitologo • ilustristo • pentristo • verkisto • esploristo vd
Laborkampo natura historio vd
vd Fonto: Vikidatumoj
Plato el la verko Natural History of Carolina, Florida and the Bahama Islands (1731-1743).

Mark Catesby (24a marto 1682 - decembro 1749) estis angla naturalisto. Inter 1731 kaj 1743 Catesby publikigis sian verkon Natural History of Carolina, Florida and the Bahama Islands (Natura Historio de Karolino, Florido kaj la Bahamoj), nome la unua publikigita klarigo de la flaŭro kaj faŭno de Nordameriko. Ĝi inkludis 220 platojn da birdoj, reptilioj kaj amfibioj, fiŝoj, insektoj, kaj mamuloj, same kiel plantoj.

Vivo kaj verkoj

Catesby estis naskiĝinta la 24an de marto 1682 kaj baptita ĉe Castle Hedingham, Essex. Lia patro, John Catesby, estis advokato kaj farmisto. Lia patrino estis Elizabeth Jekyll Catesby de Hedingham Castle, Essex. La famili-posedata bieno kaj domo estis Holgate, en Sudbury, Sussex. Kono de la naturalisto John Ray kondukis al Catesby al intereso pri natura historio. Li studis naturhistorion en Londono antaŭ iri por resti kun sia fratino, Elizabeth Catesby Cocke, en Williamsburg, Virginio, Usono, en 1712. La morto de lia patro, ses jarojn pli frue, lasis Catesby sufiĉe da rimedo por vivteni sin. Elizabeto estis edzino de Dro. William Cocke, kiu estis membro de la Konsilio kaj ministro por eksteraj aferoj por la Kolonio de Virginio. Laŭ familia popolscio, Elizabeto geedziĝis kun Dro. Cocke, kontraŭ la deziroj de ŝiaj gepatroj, antaŭ elmigrado al Virginio. Post lia restado en Williamsburg, Catesby vizitis Karibion en 1714, kaj revenis al Virginio, kaj poste hejme al Anglio en 1719.

Titolpaĝo, volumo dua, de la verko de Catesby The Natural History of Carolina, Florida and the Bahama Islands, Londono, 1754

Catesby kolektis semojn kaj botanikajn specimenojn en Virginio, kiujn li sendis al plantisto de Hoxton nome Thomas Fairchild. Tio famigis lian nomon konate al aliaj sciencistoj en Anglio, kaj en 1722 li estis rekomenditaj fare de William Sherard por entrepreni plantokolektadan ekspedicion al Karolino laŭ nomo de la Reĝa Societo de Londono. Catesby ekloĝis en Charlestown, kaj vojaĝis al aliaj partoj de orienta Nordameriko kaj Karibio, kolektante plantojn kaj birdojn. Multaj el tiuj specimenoj estis senditaj al Hans Sloane en Londono. Catesby revenis al Anglio en 1726.

Quercus Anpotius. Plato el Natural History of Carolina, Florida and the Bahama Islands (1731-1743).

Catesby foruzis la venontajn deksep jarojn preparante sian Naturhistorion. Publikigo estis financita per senintereza prunto de unu el la uloj de la Reĝa Societo de Londono, nome la kvakero Peter Collinson. Catesby estis la unua uzanto de grandfoliaj kolorplatoj en naturhistoriaj libroj. Li lernis kiel grati la telerojn mem. La unuaj ok teleroj neniun fonon havis, sed de tiam Catesby inkludis plantojn kun siaj bestoj. Li kompletigis la unuan volumon en 1731, kaj en februaro 1733 li estis elektitaj ulo de la Reĝa Societo de Londono. La dua volumo estis kompletigita en 1743, kaj en 1746 li produktis aldonon de materialo sendita al li de amikoj en Ameriko, precipe John Bartram. Catesby mortis ĵus antaŭ Kristnasko 1749 kaj estis entombigitaj la 23an de decembro.

Carolus Linnaeus inkludis multe de la informoj en la Naturhistorio en la 10-a eldono de sia Systema Naturae (1758).

Bildaro de Catesby

Referencoj

  • Jackson, Christine E., (1985) Bird Etchings: the illustrators and their books, 1655-1855. Ithaca: Cornell University Press ISBN 0-8014-9684-5
  • Walters, Michael (2003) A Concise History of Ornithology. London: Christopher Helm ISBN 1-873403-97-6
  • Wiatt, Alex L. (1992) The Descendants of Stephen Field of King and Queen County, Virginia, 1721, Fredericksburg VA: BookCrafters

Myers, Amy R. W. & Pritchard, M. B. (1998) "Empire's nature. Mark Catesby's New World vision," Chapel Hill & London: University of North Carolina Press ISBN 0-8078-4762-3

Eksteraj ligiloj

Verkoj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.