Marc Stessgen (naskiĝis la  15-an de marto 1974(nun 1974-03-15), do nun 50-jara) estas germana esperantisto kaj komercisto. Ekde la fino de la 1980-aj jaroj, li aktivis en Germana Esperanto-Junularo i.a. kiel kunorganizanto de multaj Internaciaj Seminarioj, kunlaboranto de la bonna centra asocia oficejo ĝis transiro de ties funkcio al Berlino komence de la jaro 1995, kaj redaktanto de la bulteno GEJ-Gazeto. En 1994/1995 li transprenis la membroadministradon de la asocio.^[1] Li lernis Esperanton jam kiel juna gimnaziano kaj samklasano de Marko Lins, kaj nun kiel gvidanto de privata konsilejo pri instalo de retejoj kaj presitaj informiloj plu uzas siajn spertojn kolektitajn en la Esperanto-movado.

Krome li je la nomo DĴ Nucki kiel diskĵokeo (DĴ) en la 1990-aj kaj 2000-aj jaroj ofte surmetis la muzikon dum Esperanto-renkontiĝoj, precipe dum la Internacia Seminario (IS) en Germanio, la Internacia Junulara Festivalo (IJF) en Italio kaj la Internacia Junulara Kongreso (IJK). DĴ Nucki produktis meze de la 1990-aj jaroj du elektronikajn kantojn: "Internacia tekno 1" kaj "Internacia tekno 2". Fakte per ili li intencis primoki teknomuzikon. Ne ekzistas oficiala registraĵo de ili.

Eksteraj ligiloj

• retejo de lia senprofita konsilejo pri instalo de retejoj kaj presitaj informiloj, kun referenco al la Esperanto-agado (germane)
• sondosiera intervjuo de li en la retejo babel-koeln.de, arkivigita laŭ stato aprilo 2015 per la retarkivo archive.org (germane kaj iom da Esperanto, sen la eksdata aplikaĵo Adobe Flash Player ne plu tiom komforte funkcias, sed per klako al la helbluaj ligiloj ankoraŭ eblas aŭdigi la unuopajn mp3-dosierojn)

Referencoj