Marbordo estas la bordo, kiu randas maron.
Marbordo povas esti kruta aŭ kontraŭe plata, malkruta. Sabla marbordo nomiĝas strando aŭ plaĝo.
Sur la marbordo la proksimeco de la akvo kreas specifan medion: dunoj, rulŝtonoj, krutaĵoj, marenfluoj, ... Kreiĝas ankaŭ specifa marborda mikroklimato.
La longo de la marbordo estas senfina. Ekzemple, se parto de la marbordo estas unu kilometro, vi povas sekvi ĉiun etan ŝanĝiĝon de direkto, kaj ĝi eble estos entute du kilometroj, kaj se vi sekvas ĉiun sableron ĝi estos multe pli. Kaj poste ĉiun molekulon. Tial ĝi estas bona ekzemplo de fraktalo.
En marbordo plej ofte la klimato kaj la vetero estas pli mildaj ol en internaj teritorioj. Tial, se interne estas tro da varmo, marborde ne tiom varmas; kaj same por malvarmo. Simile pri neĝo, ĉar ĉu neĝas ĉu ne dependas da la altitudo; por neĝi en plej malaltaj altitudoj oni bezonas interalie pli da malvarmo, pro tio ofte neĝas iom interne kaj ne proksime ĉe marbordo.
Ankaŭ plantaro kaj bestaro estas diversaj marborde kompare kun interne. Multaj birdoj ekzemple loĝas marborde kaj ne tiom interne, kiel mevoj, pingvenoj, ktp. Ekzistas eĉ preciza kategorio nomata Marbirdo.
Famaj marbordoj en la mondo
- Eŭropo:
- Azio: Malabara Marbordo, Koromandela Marbordo
- Afriko: Sklavo-Marbordo
- Antarkto: Marbordo Princino Marta
