Detalo de la kolorplena vizaĝo de masklo

La mandrilo (Mandrillus sphinx) estas primato de la malnovmondaj simioj nome familio Cerkopitekedoj,[1] tre proksime rilata al la Paviano kaj eĉ pli proksime al la Senkolora mandrilo, kiu estas la aliaspecio de la genro Mandrillus. Ĝi troviĝas en suda Kameruno, Gabono, Ekvatora Gvineo, kaj Kongo. Mandriloj ĉefe loĝas en tropikaj pluvarbaroj kaj arbara-savana mozaiko. Ili vivas en grupoj nomitaj mandrilaroj. Mandriloj estas ĉiomanĝantoj kiuj manĝas ĉefe fruktojn kaj insektojn. Ties pariĝada sezono okazas el Junio al Oktobro.

Kaj la Mandrilo kaj la Senkolora mandrilo estis iam klasitaj kiel Pavianoj en la genro Papio, sed ĵusa studo determinis, ke ili estu separataj en sia propra genro, Mandrillus.[1] Charles Darwin verkis en The Descent of Man, ke "neniu alia membro en la tuta klaso de mamuloj estas laŭkolore tiom eksterordinara kiel la plenkreskaj masklaj mandriloj."[2] La mandrilo estas klasita kiel vundebla fare de IUCN.

Bildaro

Mandrill area.png
Arealo de Mandriloj

Referencoj

  1. 1 2 Nowak, Ronald M. (1999) Primates of the World. The Johns Hopkins University Press, p. 151–152. ISBN 0-8018-6251-5.
  2. ↑ Darwin, Charles. (1871) The Descent of Man, and selection in relation to sex.. D. Appleton and Co, New York.

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.