Malto aliĝis al la Eŭropa Valutoŝanĝa Mekanismo II la 29-an de aprilo 2005: Ĉar ŝtata valuto devas almenaŭ dum du jaroj esti ligita al tiu mekanismo, antaŭ ol havi la rjaton transiri al la komuna eŭropa valuto, enkonduko de la eŭro en Malto eblas la 1-an de januaro 2008. La 27-an de februaro 2007 publikiĝis, ke Malto oficiale petis pri enkonduko de la eŭro en la lando. Dum la jaro 2006 unu el la plej gravaj kriterioj por enkonduko de la eŭropa valuto, la ŝtata ŝuldiĝo, kiu ne rajtas superi kvoton de 3 procentoj, estis 2,8 procentoj, kio subtenis la maltan peton.

La 16-an de majo 2007 la Eŭropa Komisiono en Bruselo kaj la Eŭropa Centra Banko en Frankfurto-ĉe-Majno publikiĝis, ke la eŭro ekde la 1-a de januaro 2008 rajtas esti la ŝtata valuto de Malto. La decidon la 21-an de junio konfirmis la ŝtataj kaj registaraj gvidantoj de la Eŭropa Unio.

La eŭro (EUR aŭ €) estas la komuna monunuo por 20 el la 27 landoj de la Eŭropa Unio, inkluzive de Malto, kaj de 4 nemembraj ŝtatetoj ene de la Eŭropa Unio. La moneroj kaj monbiletoj ekuziĝis je la 1-a de januaro 2002, sed la presa (stampa) jaro foje montras sin tiel frue kiel 1999, kiam la monunuo oficiale ekestis kaj oni ekproduktis la monerojn. La maltajn eŭro-monerojn produktigas la pariza monerfarejo.

Ĉiuj moneroj havas flankon komunan, kiu montras la valuton de la monero, kaj ĉiu lando, kiu partoprenas la eŭron, havas proprajn desegnaĵojn sur la alia flanko de la moneroj. Ĉi tiuj varias, ekde ĉiam sama desegnaĵo (ekzemple Estonio kaj Irlando) aŭ simpla montro de la monarĥo (ekzemple Belgio kaj Nederlando) ĝis tute malsama desegnaĵo ĉe ĉiu monero (ekzemple Grekio kaj Italio). Tamen, ĉiuj moneroj iel montras 12 stelojn ankaŭ sur tiu flanko.

Bildoj de la naciaj flankoj de la maltaj eŭro-moneroj

Pri la estontaj motivoj de la maltaj eŭro-moneroj dum januaro 2006 unuavoje voĉdonis la maltanoj. Entute elekteblis 12 temoj el kvar diversaj temaroj (malta historio, renesanco, malta identeco kaj arkeologio). La tri motivoj el tri diversaj temaroj, kiuj ricevas plej da voĉoj, plu konkurus.

La 2-an de februaro 2006 la nacia banko de Malto publikigis la rezulton:

• 1-a loko: la statuo "bapto de Kristo" (malta renesanco)
• 2-a loko: la blazono de Malto (malta identeco)
• 3-a loko: Fortikaĵo Sankta Anĝelo (malta renesanco)
• 4-a loko: la templa konstruaĵo Mnajdra (malta historio)

Ĉar la unua kaj tria motivo apartenis al la sama temaro malta renesanco, la tria motivo Fortikaĵo Sankta Anĝelo forfalis el la konkurso. Anstataŭe la motivo de la templa konstruaĵo Mnajdra plukonkuris.

Ĝis fino de majo 2006 por la elektitaj temoj verkiĝis konkretaj dezajnaj skizoj, krome kvara skizo kun la bildo de la okdenta malta kruco. En la sekva dua elekto la malta kruco, la blazono de Malto kaj la templa konstruaĵo Mnajdra venkis. La statuo "bapto de Kristo" atingis la kvaran lokon kaj do forfalis.

Vidu ankaŭ la paĝojn pri

• bildoj de komunaj flankoj de eŭro-moneroj
• la komuna eŭropa valuto eŭro
• la ĝisnuna nacia valuto malta liro

Eksteraj ligiloj

• paĝoj de la Eŭropa Centra Banko en Frankfurto-ĉe-Majno
• elekto de la kvar skizoj (pdf) Arkivigite je 2007-09-28 per la retarkivo Wayback Machine
• bildoj de la maltaj eŭro-moneroj
• informoj pri la enkonduko de la eŭro en Malto kaj pri la ontaj maltaj eŭro-monero (paĝoj germanlingvaj) Arkivigite je 2007-10-14 per la retarkivo Wayback Machine
• bildoj de la maltaj eŭro-moneroj sur la paĝoj de la Eŭropa Centra Banko (paĝo jen en la itala, sed ankaŭ havebla en 19 aliaj eŭropaj lingvoj)