Malsanokosta asekuro estas tipo de asekuro en kiu la asekura kompanio pagas la medicinajn kostojn, kiam asekurato malsaniĝas pro malsanoj kovritaj de la asekura kontrakto aŭ iĝas viktimo de akcidento. La asekura kompanio povas esti ŝtata aŭ privata entrepreno.

En la unuopaj naciaj lingvoj la tipo asekuro havas diversajn nomon: ekzemple en la angla temas pri health insurance, do "sanecoasekuro", en la germana kontraste temas pri Krankenversicherung, do "malsanula asekuro", aŭ en la nederlanda lingvo ekzakte estas "malsanokosta asekuro" (ziektekostenverzekering).