 |
Por samtitola artikolo vidu la paĝon Lyss (stacidomo). |
| Lyss | |||||
|---|---|---|---|---|---|
 Blazono de Lyss | |||||
| Blazono de Lyss | |||||
 Stacidomo de Lyss | |||||
| Stacidomo de Lyss | |||||
| komunumo en Svislando • urbo en Svislando | |||||
| |||||
| Kantono | Berno | ||||
| Administra distrikto | Seeland | ||||
| Malnova distrikto ĝis 2009 | Aarberg | ||||
| Koordinatoj | 47° 4′ 30″ N 7° 18′ 25″ O / 47.07500 °N, 7.30694 °O (mapo)Koordinatoj: 47° 4′ 30″ N 7° 18′ 25″ O / 47.07500 °N, 7.30694 °O (mapo) | ||||
| Areo | 14,82 km² | ||||
| Alteco | 444 m super marnivelo | ||||
| Poŝtkodo | 3250 | ||||
| Komunumkodo | 0306 | ||||
 Mapo de Lyss | |||||
Pri la komunumo
Lyss estas urbo en la iama distrikto Aarberg en Kantono Berno, Svislando. Ĝi havis 11240 loĝantojn je la 31-a de decembro 2007. Post la aliĝo de Busswil ĉe Büren la komunumo la 1-an de januaro 2011 nobris 13770 loĝantojn. Ek de la 1-a de januaro 2010 Lyss apartenas al la nove fondita administra distrikto Seeland.
Geografio
Lyss situas ĉe la orienta marĝeno de la regiono Seeland ĉe la bordo de la Malnova Aro. Ek de la 1-a de januaro 2011 al Lyss apartenas ankaŭ la ĝis tiam aŭtonoma komunumo Busswil ĉe Büren.
Najbaraj komunumoj
La komunumo limas en nordo al Studen, en nordnororiento al Büetigen, en nordoriento al Diessbach ĉe Büren, en oriento al Grossaffoltern, kaj en sudo al Seedorf, en sudsudokcidento al Aarberg, en okcidento al Kappelen, kaj en nordnordokcidento al Worben.
Trafiko
En la urbocentro kruciĝas la kantonaj ĉefvojoj n-ro 6 kaj 22. La urbo havas aliron al la svisa aŭtovojo A6 de Thun tra Berno al Bielo, kiu pasas tra la komunuma teritorio. La stacidomo de Lyss situas ĉe la fervojlinioj de Berno al Bielo kaj de Lyss al Morato. Krome ekzistas interurba buslinio n-ro 74 de Lyss al Bielo.
Ĝemelurbo
Ĝemelurbo de Lyss estas Monopoli en la Provinco Bari en la regiono Apulio.
Historio
La unua dokumenta mencio de Lyss datiĝas el la jaro 1009 kiel Lissa.
En mezepoko en Lyss regis la Grafoj de Neuenburg-Aarberg. En la jaroj 1377/79 Lyss fariĝis posedaĵo de Berno. Ĝis la korekto de la Malnova Aro per la konduko de la rivero al la Lago de Bielo la regiono de Lyss regule suferis pro gravaj inundoj.
En baloto de la 7-a de marto 2010 la loĝantoj de la komunumoj Lyss kaj Busswil ĉe Büren decidis, ke la du komunumoj estas kun efiko de la 1-a de januaro 2011 kunigitaj sub la nomo Lyss.
Famulo
- Ernst Gäumann (1893-1963)
Vidu ankaŭ
Eksteraj ligiloj
- Vidu ankaŭ en la Vikimedia Komunejo la kategorion Lyss – (Kolekto de bildoj kaj plurmediaj dosieroj)
Bildoj
Mapo de la komunumo antaŭ la integriĝo de Busswil ĉe Büren
Aerbildo de Busswil ĉe Büren
| ||||||
| ||||||