Polurita lunŝtono
Lunŝtono estas gemo, tipe travidebla formo de ortoklazo.
Priskribo
La lunŝtono troviĝas en diversaj koloroj — blanka, blua, griza, bruna, roza, ktp.
La lunŝtono montras perlecan brilon, pro difrakto en mikrostrukturo de lamenoj.
Distribuo
Lunŝtono troviĝas en Armenio, Aŭstralio, la Aŭstraj Alpoj, Meksiko, Madagaskaro, Birmo, Norvegio, Pollando, Barato, Srilanko, kaj Usono.
Historio
Lunŝtono estas tradicie uzata en juveloj. La helenoj kaj la romianoj asociis ĝin kun la luno kaj la lundiino Artemiso / Diano, kaj kredis ke ĝi formiĝis el solidiĝintaj lunradioj.
Lunŝtonoj populariĝis dum la Secesia modo de Francio.
En 1970, Florido nomumis la lunŝtonon la oficiala ŝtata gemo, por memorigi la surluniĝon de Neil Armstrong kaj Buzz Aldrin (el Kosmocentro Kennedy en Florido).
Eksteraj ligiloj
- Moonstone Value, Price, and Jewelry Information (angle). International Gem Society.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.