Unu rotacio de la asteroido daŭras ĉ. 3,7 horojn. La du maksimumoj montras, ke la asteroido havas elipsan formon
En astronomio, la luma kurbo de kosma objekto estas grafikaĵo kiu montras la evoluon de la lumeco de tiu objekto en funkcio de la tempo.
La luma kurbo povas esti perioda (kiel tiu de eklipse duopa stelo aŭ de rotacianta asteroido) aŭ neperioda (kiel tiu de novao aŭ de supernovao).
En planedoscienco
En planedoscienco, luma kurbo utilas por taksi la rotacian periodon de malgranda korpo (natura satelito, asteroido, kerno de kometo...). Elde tero estas ofte neeble vidi detalojn de objekto. Observante la maksimumojn de la kurbo de la lumo reflektita de objekto en funkcio de la tempo, oni povas kalkuli la rotacian periodon kaj la neregulan formon de la objekto, aŭ ĝiajn variadojn de albedo. En pluraj okazoj estas malfacile scii ĉu estas unu aŭ du maksimumoj dum unu rotacio.
Eksteraj ligiloj
- france Luma kurbo de asteroidoj
- france Luma kurbo de cefeidoj
- france Diverseco de la supernovaoj
- france Lumaj kurboj de asteroidoj, kometoj, variantaj steloj. (Observatorio de Ĝenvo)
- angle Kion diras al ni la lumaj kurboj