Ludwig Krysta
Persona informo
Naskiĝo	7-an de decembro 1877 (1877-12-07) en Lipowiec
Morto	1939-1945
Lingvoj	Esperanto • ĉeĥa
Ŝtataneco	Ĉeĥio
Okupo
Okupo	esperantisto

Ludwig Krysta (krista) (naskiĝis la 7-an de decembro 1877 en Lipowiec, urboparto de Ustroń - mortis en la dua mondmilito) estis ĉeĥa esperantisto.

Profesie ŝtata eksoficisto, urba konsilantarano en Český Těšín (Ĉeĥoslovakio).

E-isto de 1920. Prezidanto de Regiona Esperanto-Ligo en Český Těšín de 1931, fondita de li. Fervora kursgvidanto, kunlabaranto de pluraj E-gazetoj.

Liaj beletristikaj verketoj aperis parte en la eldonaĵoj de Alfred Kenngott, parte memstare (Pri la prononcado en Esperanto; Marionetaj ludoj; La senvola svatanto).

Verkoj

• Marionetaj ludoj: ilia prezentado, kaj unu "Terpoma tragedio" (Katowice: Mondlingvo-Eld., 1931. - 23 p.)
• Pri la prononcado de Esperanto (Katowice: Mondlingvo-Eld., 1931. - 30 p.)
• La senvola svatanto: unuakta teatraĵo kun kanto (Katowice: Mondlingvo-Eld., 1931. - 35 p.)

Recenzo pri Pri la prononcado de Esperanto

„ „Zinjoroŭ, dum la fojaĉo al la konkreezoü min nee indereezas la teŭorijoŭ zet nur la braktikoü!“ Ion similan ĉiu aüdis jam. La aŭtoro serioze traktas — tute ne teorie — tiun gravan praktikflankan mizeron de l’ E.-vivo. Li akcentas, tute prave, ke korekta aŭdado devus esti antaŭ ĉiu instruata. Laŭvice li traktas la prononcerarojn de anglo, franco, italo, polo. Kiel ne la germanajn? Proponoj por bonigo certe estas konsiderindaj. — Koncerne la formalan flankon ni nur insistu pri 1a ortografio de propraj nomoj (esperanto, londona, esperanta!), komenc(iĝ)os (15) kaj ilia (sia 28). ” — Smital. Aŭstria Esperantisto n.80 (okt 1931)