Lost in Translation (Perdita en traduko) estas drama filmo de 2003 reĝisorita fare de Sofia Coppola. La filmsteluloj estas Bill Murray kaj Scarlett Johansson. La filmo estis nomumita por kvar Oskaroj, el kiuj ĝi gajnis unu en la plej bona originala filmo kategorio.

Intrigo

Bob Harris, mezaĝa Holivuda stelo, alvenas en Tokio por esti fotita por japana reklamo por viskio. En la sama tempo, Charlotte, juna kolegiodiplomito, ankaŭ alvenas kun sia edzo Johano, famulfotisto, en la hotelon kie Bob loĝas. Charlotte estas novedzino kiu sentiĝas nesekura pri sia estonteco kaj Bob travivas krizon en sia rilato kun sia edzino de 25 jaroj. Ĉiutage Bob kaj Charlotte renkontas unu la alian en la hotelo kaj finfine renkontas ĉe la hotela drinkejo dum la nokto kiam ambaŭ ne povas dormi.

Charlotte invitas Bob veni kun ŝi kaj kelkaj el siaj lokaj amikoj kaj ili pasigas amuzan vesperon en Tokio travivante japanan noktan vivon kaj kulturon. Dum la venontaj malmultaj tagoj ilia rilato profundiĝas kaj ili pasigas pli da tempo kune. Malfrue en la nokton, ili ambaŭ kuŝas flank-al-flanke kaj havas intiman konversacion en kiu Charlotte rakontas pri siaj personaj problemoj kaj Bob rakontas pri sia geedzeca vivo.

En la antaŭlasta nokto de lia vizito, kiam Bob trinkas ĉe la hoteldrinkejo, la ĵazkantisto prezentanta tie alproksimiĝas al Bob kaj flirtas kun li. Tiun nokton ili seksumas, kaj la venontan matenon Charlotte frapas sur la pordo de la hotela ĉambro de Bob. Kiam li malfermas la pordon por ŝi, ŝi invitas lin al tagmanĝo. La voĉo de la kantisto estas aŭdita de la ĉambro de Bob kaj Charlotte rapide ekkomprenas kio okazis. Lunĉo finfine okazas inter Bob kaj Charlotte, sed la okazo fariĝas morna, malĝojiga, kaj akompanita per argumentado inter ili.

Poste, fajroalarmo eksplodas en la hotelo kaj Bob kaj Charlotte forlasas iliajn ĉambrojn kaj renkontas ĉe la enirejo. Ili solvas sian disputon kaj havas finan renkontiĝon en la hoteldrinkejo.

Dum la mateno de la reveno de Bob al Usono, Charlotte alvenas en la hotela n vestiblon. Bob kaj Charlotte havas adiaŭan konversacion kaj ĉiu iras siajn apartajn vojojn. Kiam Bob veturas en taksion sur la vojo al la flughaveno, li rimarkas Charlotte piedirante tra la homamaso. Li petas al taksiisto ĉesi kaj iras direkte al Charlotte. Kiam ili vidas unu la alian, ili longe brakumas kaj kundividas kison. Bob revenas al la taksio kaj ĝi daŭrigas sian veturadon.

Aktoroj - roluloj

• Bill Murray - Bob Harris
• Scarlett Johansson - Charlotte
• Giovanni Ribisi - Johano
• Anna Ferris - Kelly
• Fiorimo Hayashi - Charlie Brown
• Akiko Takeshita - Sinjorino Kawski

Recenzoj kaj enspezoj

La filmo ricevis entute pozitivajn recenzojn. La reĝisorado kaj scenaro de Sofia Coppola ankaŭ ricevis pozitivajn recenzojn, kiuj kondukis al ŝia gajno de la Akademia Premio por Plej bona originala scenaro kaj esti nomumita por la Akademia Premio por Plej bona reĝisoro. Bill Murray ankaŭ ricevis pozitivajn recenzojn kaj eĉ Oskar-nomumon. Komence de septembro 2003, la filmo estis prezentita en limigita nombro da teatroj, kie la filmo alportis proksimume milionon da dolaroj. En la unua semajnfino de la publikigo de la filmo en Usono, ĝi atingis proksimume 4.1 milionojn da dolaroj. Resumante sian enspezon, la filmo enspezis pli ol 44,5 milionojn da dolaroj en Usono kaj pli ol 75 milionojn da dolaroj en la resto de la mondo, kio sumigas sian enspezon al proksimume 120 milionoj da dolaroj.

Eksteraj ligiloj

 Lost in Translation (filmo) en Vikimedia Komunejo