Loes DEMMENDAAL (naskiĝis en 1954) estas nederlanda esperantisto. Ŝi diplomitiĝis pri kompania ekonomio en 1993. Profesie ŝi estas ekonomikisto ĉe urba komunumo.

Esperanton ŝi lernis en 1965. Ŝi unue laboris en la Centra Oficejo de UEA kiel librotenisto (1977-1978) kaj poste ankaŭ volontulis en tiu fako (en 1996). Ŝi estis komitatano C de UEA (1983-1986, 1998-2001 kaj 2004-2010) kaj estrarano de UEA respondeca pri administrado kaj financo (2007-2013). Ekde 2009 ŝi estas estrarano de Institucio Hodler kaj ekde 2010 komitatano A de UEA por Esperanto Nederland.