Lingvaj Respondoj
Lingvaj Respondoj
Lingvaj Respondoj
AŭtoroLudoviko Lazaro Zamenhof
Eldonjaro1910
UrboParizo
EldonintoEsperantista Centra Librejo
Paĝoj116

Lingvaj Respondoj estas kolekto de tekstoj verkitaj de L. L. Zamenhof. La tekstoj aperadis en La Esperantisto (1889-1893), La Revuo (1906-1908), Oficiala Gazeto Esperantista (1911-1912) kaj aliaj gazetoj[1]. Unuafoje eldonitaj en libra formo en 1910[2].

En 1925 estas eldonita plena kolekto kun 94 paĝoj, kiu krom la respondojn enhavis ankaŭ la Leteron pri la deveno de Esperanto[1].

Recenzoj

Citaĵo
„ Malnovaj kaj novaj Esperantistoj ĉiam trovas en tiuj respondoj ĉu bezonatan klarigon, ĉu la spiriton de sia majstro, netrudema, sed liberama, mirinde klara, prudenta kaj pacigema. Flanke de l' Fundamento, de l' Fundamenta Krestomatio, ĝi estas la tria bazo de nia konstruaĵo. ”
— 1926, Georges Stroele, Esperanto, paĝo 56
Citaĵo
„ La legantoj de La Revuo konas la altstarajn Lingvajn Respondojn publikigitajn de D-ro Zamenhof en tiu gazeto. Estis laŭdinda ideo kunigi kaj eldoni ilin en broŝuro, kaj kvankam nia tro modesta Majstro diris ke ili "devas esti rigardataj kiel opinioj kaj konsiloj absolute privataj" por ĉiuj la Lingvaj Respondoj estos grandvaloraj, ofte ili esploros kaj tralegos ilin por akiri perfektan, neriproĉindan stilon. ”
— Belga Esperantisto n.22 (aŭg 1910)

Referencoj

  1. 1 2 Lingvaj Respondoj 1925 ĉe Aŭstruja Nacia Biblioteko
  2. ↑ Lingvaj Respondoj 1910 ĉe Aŭstruja Nacia Biblioteko

Bildaro

Vidu ankaŭ

Tiu verko estas (tute aŭ parte) entenata en la rete alirebla Tekstaro de Esperanto.

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.