| Liesberg | |
|---|---|
 Blazono de Liesberg | |
 Naturprotekta areo Andril | |
| komunumo en Svislando | |
| Kantono | Bazelo Kampara |
| Distrikto | Laufen |
| Koordinatoj | 47° 24′ 18″ N 7° 25′ 48″ O / 47.40500 °N, 7.43000 °O (mapo)Koordinatoj: 47° 24′ 18″ N 7° 25′ 48″ O / 47.40500 °N, 7.43000 °O (mapo) |
| Nombro de loĝantoj | 1196 |
| Areo | 12,49 km² |
| Alteco | 521 m super marnivelo |
| Poŝtkodo | 4253 |
| Komunumkodo | 2788 |
 Mapo de Liesberg | |
Pri la komunumo
Liesberg estas komunumo en la distrikto Laufen en Kantono Bazelo Kampara, Svislando. Ĝi havis 1196 loĝantojn je la 31-a de decembro 2008.
Geografio
Liesberg situas en la orienta, supra parto de la Laufenvalo sude de la montetĉeno Blauen, ĉe la bordo de la rivero Birs.
Najbaraj komunumoj
La komunumo Liesberg limas en nordo al Kleinlützel (Kantono Soloturno), en nordoriento al Röschenz, en oriento al Laufen, en sudoriento al Bärschwil (Kantono Soloturno), en sudo al Courroux (Kantono Ĵuraso), en okcidento al Soyhières (Kantono Ĵuraso), kaj en nordokcidento al Roggenburg.
Trafiko
En la stacidomo de Liesberg, kiu situas ĉe la fervojlinio de Bazelo al Delemonto ek de 1993 ne plu haltas pasaĝeraj trajnoj, sed la komunumo estas konektita per poŝtaŭtolinio kun la stacidomo de Laufen.
Historio
La unua dokumenta mencio de Liesberg datiĝas el la jaro 1281 kiel Liesperch.
En mezepoko en Liesberg apartenis al la Baronejo Zwingen, la regejo de la baronoj de Ramstein. Post ties formorto ĝi kun la baronejo transiris al la Princepiskopejo Bazelo, kies voktoj ĝin regis ĝis la Franca Revolucio en la jaro 1792. Liesberg nun fariĝis parto de la Raŭraĥa Respubliko kaj poste kun la Kantono Laufen estis integrita en la franca departemento Mont-Terrible. En la jaro 1815 la Viena Kongreso atribuis la vilaĝon Liesberg al Kantono Berno. En la jaro 1994 ĝi kun la tuta distrikto Laufen aliĝis al Kantono Bazelo Kampara.
Eksteraj ligiloj
| ||||||
