| Le Flon | |
|---|---|
 Blazono de Le Flon | |
| Blazono de Le Flon | |
| komunumo en Svislando | |
| Kantono | Friburgo |
| Distrikto | Vevejso |
| Koordinatoj | 46° 36′ 40″ N 6° 52′ 55″ O / 46.61111 °N, 6.88194 °O (mapo)Koordinatoj: 46° 36′ 40″ N 6° 52′ 55″ O / 46.61111 °N, 6.88194 °O (mapo) |
| Nombro de loĝantoj | 1041 |
| Areo | km² |
| Alteco | m super marnivelo |
| Poŝtkodo | 1699 |
| Komunumkodo | 22 |
 Mapo de Le Flon | |
| Mapo de Le Flon | |
Le Flon estas urbo kaj komunumo en la distrikto Vevejso en Kantono Friburgo, Svislando. Ĝi havis 1041 loĝantojn je la 31-a de decembro 2011. Ĝia ĉefloko estas Bouloz.
Geografio
La komunumo Le Flon situas en sudokcidento de la Friburga Mezlando, 16 kilometrojn norde de la urbo Vevey kaj 12 kilometrojn okcidente de la urbo Bulle. La komunumo konsistas el la vilaĝoj Bouloz, Pont (Vevejso) kaj Porsel, kaj la setlejoj La Cergne, Les Corbes, La Chavanne, Perrey-Martin kaj Les Grandes Bryères, kaj diversaj izolitaj bienoj.[1]
La teritorio de la komunumo etendiĝas sur areo de 9,58 km², de kiuj 19,9% estas kovritaj de arbaro, 73,5% servas por agrikulturo kaj 5,5% por setlado. [2]
Najbaraj komunumoj
La komunumo Le Flon limas en nordo al Siviriez, en nordnororiento al Vuisternens-devant-Romont, en oriento al La Verrerie, en sudo al Saint-Martin, en sudsudokcidento al Oron (VD), en okcidento al Chapelle (Glano), en nordokcidento al Rue, kaj en nordnordokcidento al Ursy.
Trafiko
Tra la komunumo pasas la kantona ĉefvojo n-ro 155 de Romont al Oron. La plej proksima alveturejo al la svisa aŭtovojo A12 situas proksimume 5 kilometrojn sudoriente de la komunumo apud Châtel-Saint-Denis. Per buslinio de la entrepreno Transporto Publika Friburga de Palézieux al Oron kaj alia buslinio al Moudon la komunumo estas konektita al la publika transportreto.
Historio
La komunumo Le Flon estis fondita la 1-an de januaro per kunigo de la ĝis tiam aŭtonomaj komunumoj Bouloz, Pont (Vevejso) kaj Porsel.[3] Dum mezepoko la regiono de la hodiaŭa komunumo apartenis al la Senjorujo Oron. En la 16-a jarcento ĝi estis konkerita de la urba ŝtato Friburgo kaj atribuita al la Voktejo Rue, kiu post la Helveta Revolucio de 1798 fariĝis distrikto kaj en la jaro 1848 sub la nova friburga konstitucio estis integrita al la distrikto Vevejso. Unua dokumenta mencio de Bouloz okazis en la jaro 1018 kiel Bedolosci[4], Pont (Vevejso) estis menciita en la jaro 1152 kiel Ponto[5] kaj Porsel en la jaro 114 kiel Porcels[6].
Notoj kaj referencoj
- ↑ Fonto: Reta mapo 1:20000 de Swisstopo
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Marianne Rolle, Lucienne Hubler kaj Jean-Claude Vial: Le Flon en Historia Leksikono de Svislando (2005-01-07)
- ↑ Fonto: Marianne Rolle: Bouloz en Historia Leksikono de Svislando (2011-03-10)
- ↑ Fonto: Lucienne Hubler: Pont (Vevejso) en Historia Leksikono de Svislando (2010-02-10)
- ↑ Fonto: Jean-Claude Vial: Porsel en Historia Leksikono de Svislando (2010-02-15)
Eksteraj ligiloj
- Vidu ankaŭ en la Vikimedia Komunejo la kategorion Le Flon – (Kolekto de bildoj kaj plurmediaj dosieroj)
| ||||||
