 |
- La mallongigo VS en Lens VS staras por la svisa Kantono Valezo. Por aliaj signifoj de la nomo vidu sub Lens. |
| Lens | |
|---|---|
 Blazono de Lens | |
| Blazono de Lens | |
 Chelin, komunumo Lens | |
| Chelin, komunumo Lens | |
| komunumo en Svislando | |
| Kantono | Valezo |
| Distrikto | Sierre |
| Koordinatoj | 46° 16′ 51″ N 7° 26′ 50″ O / 46.28083 °N, 7.44722 °O (mapo)Koordinatoj: 46° 16′ 51″ N 7° 26′ 50″ O / 46.28083 °N, 7.44722 °O (mapo) |
| Areo | 13,91 km² |
| Alteco | 1128 m super marnivelo |
| Poŝtkodo | 1978 |
| Komunumkodo | 6240 |
 Mapo de Lens | |
| Situa mapo de Lens | |
Lens estas komunumo en la distrikto Sierre en Kantono Valezo, Svislando. Ĝi havis 3858 loĝantojn je la 31-a de decembro 2012.
Geografio
La komunumo Lens situas en la supra parto de la franclingva Suba Valezo, ĉe la norda flanko de la Valo de Rodano. La komunumo Lens konsistas el la vilaĝo Lens kaj de sudo al nordo la setlejoj Chelin, Vaas, Staint-Clément, Le Câtelard, Sergnou, kaj La Trionnaz. La norda parto de la komunumo apartenas al la turisma regiono Crans Montana.[1]
La teritorio de la komunumo etendiĝas sur areo de 13,91 km², de kiuj 30,33% estas kovritaj de arbaro, 43,3% servas por agrikulturo kaj 19,7% por setlado. [2]
Najbaraj komunumoj
La komunumo Lens limas en okcidento kaj nordo al Icogne, en nordnordoriento al Randogne, en nordoriento al Montana, en oriento al Chermignon, en sudo al Sierre, kaj en sussudokcidento al Saint-Léonard.
Trafiko
Lens situas flanke de la gravaj trafikvojoj. Tra la komunumo kondukas montara vojo de Sierre al Icogne. De Lens konektaj vojoj kondukas al Montana kaj al Chermignon. La plej proksima alveturejo al la svisa aŭtovojo A1 situas 3 kilometrojn sude de la komunumo en Sierre. Pere de poŝtaŭtolinio de Sierre al Icogne la komunumo estas konektita al la publika transportreto.
Historio
La unua dokumenta mencio de Lens datiĝas el la jaro 1177 kiel Lenz. Dum mezepoko la regiono Mont de Lens apartenis al la Subvoktejo Granges, kiu ek de 1226 estis havaĵo de la episkopo se Siono. Ĝis la Helveta Revolucio Lens estis grandkomunumo, al kiu apartenis ankaŭ Chermignon, Montana kaj Icogne. Malgraŭ decido de la kantona konsilio de 1951, tiu grandkomunumo en la jaro 1905 estis disigita.[3]
Vidu ankaŭ
- Aliaj lokoj kun la nomo Lens
- Granges-Lens (stacidomo)
Notoj kaj referencoj
- ↑ Fonto: Reta mapo 1:20000 de Swisstopo
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ germane, france, itale Serge Praplan: Lens en Historia Leksikono de Svislando (2007-11-30)
Eksteraj ligiloj
- Vidu ankaŭ en la Vikimedia Komunejo la kategorion Lens – (Kolekto de bildoj kaj plurmediaj dosieroj)
| ||||||
