| Laurence Rossignol | |||||
|---|---|---|---|---|---|
 Laurence Rossignol, senatanino de Oise. | |||||
| Persona informo | |||||
| Laurence Rossignol | |||||
| Naskiĝo | 22-a de decembro 1957 en La Garenne-Colombes (Hauts-de-Seine), Francio) | ||||
| Lingvoj | franca vd | ||||
| Ŝtataneco | Francio vd | ||||
| Alma mater | Universitato de Burgonjo Universitato Panthéon-Sorbonne | ||||
| Partio | Socialista Partio (PS) | ||||
| Profesio | |||||
| Okupo | politikisto • ĵurnalisto vd | ||||
| Aktiva en | Parizo vd | ||||
| |||||
| En TTT | Oficiala retejo vd | ||||
| Subministro komisiita pri familio, pliaĝuloj kaj aŭtonomeco | |||||
| Dum | 9-a de aprilo 2014 – | ||||
| Prezidento | François Hollande | ||||
| Antaŭulo | Dominique Bertinotti (familio) Michèle Delaunay (pliaĝuloj) | ||||
| Senatanino de Oise | |||||
| Dum | 1-a de oktobro 2011 – 9-a de majo 2014 | ||||
| Sekvanto | Jean-Pierre Bosino | ||||
| Regiona konsiliano de Pikardio | |||||
| Dum | 15-a de marto 1998 – | ||||
| vd | Fonto: Vikidatumoj | ||||
Laurence Rossignol, naskiĝinta la 22-an de decembro 1957 en La Garenne-Colombes (Hauts-de-Seine), estas franca politikistino. Membro de la Socialista Partio, ŝi estis senatanino de Oise, vicprezidanto de la Regiona Konsilio de Pikardio, nacia sekretario de la Socialista Partio komisiita pri medio, proparolanto ; ŝi estas ankaŭ konata pro sia feminisma aktivado. En 2014, ŝi estis nomumita al la 1-a registaro de Manuel Valls subministro komisiita pri familio kaj pliaĝuloj. En la 2-a registaro de Manuel Valls, ŝi estis konfirmita subministro komisiita pri familio, pliaĝuloj kaj aŭtonomeco.
Profesia kariero
Ŝi studis juron en la universitato Panthéon-Sorbonne.
Inter 1999 kaj 2004 Laurence Rossignol sidis en la Ekonomia kaj Sociala Konsilio .
Politika kariero
Senatanino de Oise
Kandidato por la senatanaj balotoj de la 25-a de septembro 2011, ŝi estis elektita sentanino de Oise. Ŝi estis elektita en novembro 2011 prezidantino de la laborgrupo « internaciaj traktadoj – Klimato Medio » kreita de la Komisiono pri ekonomio, daŭriva evoluigo kaj teritoria aranĝo de la Senato.
Subministro
La 9-an de aprilo 2014, ŝi estis nomumita subministro komisiita pri familio, pliaĝuloj kaj aŭtonomeco al la 1-a registaro de Manuel Valls[1]. Ŝi postsekvis Dominique Bertinotti (familio) kaj Michèle Delaunay (pliaĝuloj).
Ŝi respondecas pri la reformo de aŭtonomeco, plurfoje prokrastita ekde ties sciigo, komence de 2013[2].
Socialista Partio
Ŝi estas proparolanto de la Socialista Partio ekde la 27-a de marto 2013.
Regiono Pikardio
Laurence Rossignol ekloĝis en Compiègne ekde 1997. En 1998, Laurence Rossignol estis elektita en la Regiona Konsilio de Pikardio. Kaj, kiam en 2004 la maldekstro venkis en la regionaj balotoj, Laurence Rossignol estis elektita vicprezidantino pri asocia vivo, junularo kaj sociala ekonomio.
Feminisma kaj asocia aktivado
En la jardeko de 1970, Laurence Rossignol ekaktivis en la feminisma lukto. Ŝi aktivis por la virinoj kaj aparte por la rajto je laŭvola abortigo.
En 1984, ŝi partoprenis en la fondo de SOS Racisme.
Liceana kaj studenta aktivado
Laurence Rossignol frue politike aktivis, en 1973, kiam ŝi estis ankoraŭ kolegianino, ŝi partoprenis en la movado kontraŭ la leĝo Debré pri militservo[3]. Poste, ŝi aliĝis al la Ligo Komunista Revoluciista (LCR).
Aŭtune de 1981, Laurence Rossignol, forlasis LCR por la Socialista Partio.
Referencoj
- ↑ Dekreto de la 9-a de aprilo 2014 pri konsisto de la registaro, JORF n° 0085 de la 10-a de aprilo 2014, p. 6560.
- ↑ Guillaume Guichard, « La reformo de dependeco ne estas por nun », gazeto Le Figaro, enmetaĵo pri « Ekonomio », la 26-an de majo 2014, paĝo 24-a.
- ↑ Philippe Juhem, SOS-Racisme, historio de « nepolitika » aktivigo. Kontribuo al analizo de la transformoj de politikaj reprezentaĵoj post 1981 Arkivigite je 2014-01-08 per la retarkivo Wayback Machine, politikscienca memuaro sub regado de Bernard Lacroix.
Aneksaĵoj
Vidu ankaŭ
Eksteraj ligiloj
- Blogo de Laurence Rossignol Arkivigite je 2006-11-30 per la retarkivo Wayback Machine
- Ŝia slipo de subministro en la interretejo "gouvernement.fr"
- Ŝia slipo en la interretejo "senat.fr"
