Kiel legi la taksonomion Lambeosaŭro
Troveblo de fosilioj: Malfrua kretaceo
Biologia klasado
Regno: Animaloj Animalia Filumo: Ĥorduloj Chordata Klaso: Reptilioj Sauropsida Superordo: Dinosaŭroj Dinosauria Ordo: Ornitiskioj Ornithischia Familio: Hadrosaŭredoj Hadrosauridae Subfamilio: Lambeosaŭrenoj Lambeosaurinae Genro: Lambeosaŭro Lambeosaurus Parks, 1923
Konserva statuso
Konserva statuso: Fosilia
Specioj
L. lambei (tipo-specio) Parks, 1923  ?L. laticaudus Morris, 1981 L. magnicristatus C.M. Sternberg, 1935 L. paucidens (Marsh, 1889 [origine Hadrosaŭro Hadrosaurus]) (nomen dubium)
Aliaj Vikimediaj projektoj

Lambeosaŭro (Lambeosaurus = "lacerto de Lambe") estas genro de hadrosaŭredoj vivintaj dum la malfrua kretaceo de Nordameriko. Ĉi tiu dupieda/kvarpieda, herbovora dinosaŭro estas konata pro sia kava kresto, kiu en la plej bone konataj specioj similas hakilon. Oni jam identigis plurajn eblaj speciojn, de Alberto (Kanado), Montano (Usono), kaj Kalifornia Duoninsulo (Meksiko), sed ĝis nun bone konataj estas la du kanadaj specioj. Oni nun pensas ke la diferencoj inter la trovitaj kranioj de la tipo-specio L. lambei indikas diferencojn de aĝo kaj sekso, kvankam oni iam opiniis ke reprezentiĝas pluraj specioj. La meksika specio, L. laticaudus, estis unu el la plej longaj ornitiskioj, ĉ. 15 metrojn longa, sed la aliaj specioj estis de pli modesta grandeco.