 |
- La mallongigo JU en Lajoux JU staras por la svisa Kantono Ĵuraso. Por aliaj signifoj de la nomo vidu sub Lajoux.. |
| Lajoux | |
|---|---|
 Blazono de Lajoux | |
 Vilaĝocentro de Lajoux | |
| komunumo en Svislando | |
| Kantono | Ĵuraso |
| Distrikto | Franches-Montagnes |
| Koordinatoj | 47° 16′ 50″ N 7° 8′ 15″ O / 47.28056 °N, 7.13750 °O (mapo)Koordinatoj: 47° 16′ 50″ N 7° 8′ 15″ O / 47.28056 °N, 7.13750 °O (mapo) |
| Nombro de loĝantoj | 684 |
| Areo | 12,35 km² |
| Alteco | 960 m super marnivelo |
| Poŝtkodo | 2718 |
| Komunumkodo | 6750 |
 Mapo de Lajoux | |
Lajoux estas komunumo en la distrikto Franches-Montagnes en Kantono Ĵuraso, Svislando. Ĝi havis 684 loĝantojn je la 31-a de decembro 2009.
Geografio
Lajoux situas en la oriento de la Liberaj Montoj sur altebenaĵo de la Ĵurasa Montaro sur alteco de preskaŭ 1000 metroj s.m. En la nordo de la komunuma teritorio situas la artefarita lageto Sous le Crât el la 16-a jarcento, je kies subtera elfluo situas ruino de malnova muelejo. Al la komunumo Lajoux apartenas krom la ĉefvilaĝo mem la vilaĝetoj Les Vacheries de Lajoux, Le Paigre kaj Fornet-Dessus, kaj krome multnombraj izolitaj bienoj.
Najbaraj komunumoj
La komunumo Lajoux limas en nordo al Saulcy, en nordoriento al Rebévelier (BE), en oriengto al Châtelat (BE), en sudoriento al Saicourt (BE), en sudo al Les Genevez, en okcidento al Montfaucon, kaj en nordokcidento al Saint-Brais.
Trafiko
Lajoux situas komplete flanke de la gravaj trafikvojoj. Al la publika transportreto ĝi estas konektita per buslinio de Tramelan al Glovelier.
Historio
La unua dokumenta mencio de Lajoux datiĝas el la jaro 1404 kiel La Jous Mertinatt.[1]
Restaĵoj de fandofornoj el la 14-a kaj 15-a jarcento pruvas, ke sur la komunuma teritorio dum mezepoko estis perlaborita fero. Ĝis la Franca Revolucio de 1792 Lajoux apartenis al la Senjorejo de Bellelay, kiu apartenis al la Princepiskopejo Bazelo. Dum 1793 la vilaĝo estis parto de la Raŭraka Respubliko por poste apartenis al la franca departemento Mont-Terrible, kiu en la jaro 1800 estis integrita al la departemento Haut-Rhin. En la jaro 1815 la Viena Kongreso atribuis la regionon al la svisa Kantono Berno, kaj Lajoux fariĝis komunumo en ties distrikto Franches-Montagnes. La 1-an de januaro 1979 la komunumo aliĝis al la nove fondita Kantono Ĵuraso.
Vidu ankaŭ
- Aliaj lokoj kun la nomo Lajoux
Notoj kaj referencoj
Eksteraj ligiloj
Bildoj
Etang Sous le Crât
Ruino de la mezepoko muelejo Sous le Crât
Komunuma domo
Ĉefstrato de la vilaĝo
Tombejo
Preĝejo
Preĝejfenestroj de Coghuf
Preĝejinterno: Rigardo al la altaro
