La amerika nokto (La nuit américaine) estas franca filmo de 1973, reĝisorita kaj protagonistigita de François Truffaut, kun Jacqueline Bisset kaj Jean-Pierre Léaud en la ĉefaj roloj. La historio rakontas la malfacilojn de kinreĝisoro dum la filmado de filmo. Tiu ricevas sian titolon de la samnoma kintekniko, kiu konsistas en la aplikado de malheliga filtro sur la lenso de kamerao kiu ŝajnigas, ke oni filmas nokte.

Intrigo

En kinstudio de Nico, oni preparas la filmadon de Je Vous Présente Paméla, melodramo plenplena je oftaj aferoj. La geaktoroj estas Alexandre (Jean-Pierre Aumont) kaj Séverine (Valentina Cortese), kaj steluloj, Alphonse (Jean-Pierre Léaud), juna kaj temperamentema, kaj brita aktorino, Julie Baker (Jacqueline Bisset).

Interplektitaj en la scenaro aperas situacioj kaj konfliktoj de la vivo de la geaktoroj kaj de la teknika teamo: Julie Baker, nestabila pro nervokrizo kaj edzino de kuracisto multe pli aĝa ol ŝi estas; Alphonse, kiu minacas abandoni la filmadon kiam lia fianĉino lasas lin por unu de la teknikistoj; Alexandre, veterana, tre profesia en scenoj, sed nervoza kaj senpacienca por iri serĉi iun al la flughaveno; la veterana stelulino Séverine, kiu havas problemojn pro alkoholo kaj forgesas siajn dialogojn (en memorinda sceno de la filmo ŝi eraras je pordo kelkajn fojojn en du minutoj).

La filmadlaboro montriĝas pere de scenoj inter teknikistoj kaj la reĝisoro Ferrand (François Truffaut), kiuj laboras intense por povi liveri la filmon en la esperata limdato.

Geaktoraro kaj roluloj

• Jacqueline Bisset - Julie
• Valentina Cortese - Severine
• Dani - Liliane
• Alexandra Stewart - Stacey
• Jean-Pierre Aumont - Alexandre
• Jean Champion - Betrand
• Jean-Pierre Léaud - Alphonse
• François Truffaut - Director Ferrand
• Nathalie Baye - Joelle
• David Markham - Doctor Nelson
• Zénaïde Rossi - Madame Lajoie
• Xavier Saint-Macary - Christian

Eksteraj ligiloj

• en imdb

• En tiu ĉi artikolo estas uzita traduko de teksto el la artikolo La noche americana en la hispana Vikipedio.