| La Sagra | |||
|---|---|---|---|
| komarko de Hispanio | |||
| Administrado | |||
| Demografio | |||
| Geografio | |||
| Geografia situo | 40° 4′ N, 3° 54′ U (mapo)40.0614-3.90278Koordinatoj: 40° 4′ N, 3° 54′ U (mapo) [+] | ||
 | |||
| |||
|
| |||
| Alia projekto | |||
 Vikimedia Komunejo La Sagra [+] | |||
La Sagra estas komarko de la provinco de Toledo, Hispanio. Ĝi etendas el la okcidenta bordo de la provinco de Madrido al la urbo de Toledo. La toleda pordego de Bisagra estas la rekta alirejo de la provinca ĉefurbo al la komarko; ĉirkaŭ 1000 km² komponas ties areon, kiu limiĝas nordokcidente ĉe la baseno de la Guadarrama dum sudoriente la Taĵo fermas ties teritorion.
Temas pri ebenaĵo, milde ondeca, kiu apenaŭ atingas 600 m de alteco super marnivelo averaĝe.
La Sagra estas taŭga por la kultivo de cerealoj, de stepa vegetaĵaro en nekultivataj bienoj, kun kelkaj vitejoj -Esquivias- kaj kelkaj olivarbaroj. Tio ĉio, spite la laste menciitaj kultivoj, havigas al La Sagra enorman seriozecan kaj senornaman pejzaĝon. La nomigo de "La Sagra" estas termino kiu devenas el araba kaj kiu signifas "kultivata kampo".
Municipoj
| Municipo | Populacio | Areo | Denseco |
|---|---|---|---|
| Illescas | 22.482 | 57 | 394,42 |
| Seseña | 17.522 | 73 | 240,03 |
| Yuncos | 9.700 | 15 | 646,67 |
| Bargas | 9.332 | 40 | 233,30 |
| Olías del Rey | 6.867 | 40 | 171,68 |
| Añover de Tajo | 5.392 | 40 | 134,80 |
| Esquivias | 5.376 | 25 | 215,04 |
| Casarrubios del Monte | 5.193 | 96 | 54,09 |
| Ugena | 5.120 | 15 | 341,33 |
| Mocejón | 4.895 | 16 | 305,94 |
| Yeles | 4.841 | 20 | 242,05 |
| Numancia de la Sagra | 4.727 | 30 | 157,57 |
| Carranque | 4.067 | 25 | 162,68 |
| Valmojado | 4.026 | 26 | 154,85 |
| Villaluenga de la Sagra | 3.950 | 27 | 146,30 |
| Recas | 3.912 | 31 | 126,19 |
| Chozas de Canales | 3.858 | 33 | 116,91 |
| El Viso de San Juan | 3.558 | 53 | 67,13 |
| Alameda de la Sagra | 3.405 | 33 | 103,18 |
| Pantoja (Toledo) | 3.388 | 28 | 121,00 |
| Yuncler | 3.376 | 18 | 187,56 |
| Borox | 3.307 | 60 | 55,12 |
| Las Ventas de Retamosa | 3.104 | 19 | 163,37 |
| Cedillo del Condado | 3.097 | 26 | 119,16 |
| Magán | 2.982 | 29 | 102,83 |
| Cobeja | 2.444 | 18 | 135,78 |
| Lominchar | 2.057 | 22 | 93,50 |
| Cabañas de la Sagra | 1.949 | 16 | 121,81 |
| Villaseca de la Sagra | 1.807 | 32 | 56,47 |
| Palomeque | 922 | 22 | 41,91 |
| Yunclillos | 813 | 31 | 26,23 |
Klimato
Pri klimato, same kiel ĉe la plej parto de la suda Centra Alteebnaĵo hispana, estas de tipo kontinenta, tio estas malvarma vintre kaj tre varma somere, sen apenaŭ primtempo aŭ aŭtuno. La temperaturoj superas foje la 40 gradojn somere, kaj malsuperas el nulo kelkajn tagojn vintre. La averaĝa pluvokvanto estas de ĉirkaŭ 450 litroj por m², kaj neĝo falas rare, kaj neniam pli da tri tagojn jare.
Gastronomio kaj manfarado (ekonomio)
La cereala karaktero de la komarko influis super la regiona kuirarto. La bona kvalito de la faruno ebligas bonkvalitan panon kaj dolĉajn fritaĵojn. Cervantes konis tiun komarkon kaj loĝis en ĝi: tiele la tipa kuirarto aperas en lia famega libro Don Kiĥoto. Famas ekzemple la vinoj, ĉefe ruĝaj, kaj ankaŭ legomoj kaj aliaj vegetaloj kiaj asparagoj, tomatoj, cepoj, kapsikoj, maizo ktp. Ĉasado havigas leporojn, kaj ankaŭ tipas manĝajoj baze sur porko kaj ŝafo.
Tradicia metio estis fabrikado de tegoloj kaj brikoj iam per tradiciaj metodoj nune industriaj ĉe Numancia de la Sagra, Cobeja kaj Pantoja. Aliaj tipaj produktoj estas fabrikado de tapiŝoj (en Alameda de la Sagra kaj Yuncos), aŭ mebloj (en Yuncos kaj Yuncler); produktoj el marmoro (de Alameda de la Sagra), ceramiko (de Magán) kaj aliaj.
Interesaĵoj
- Religia Procezio de Kristo septembre en Bargas.
- Arkeologia Parko en Carranque.
- Historia Komplekso de Casarrubios del Monte.
- Pentraĵoj de El Greco: "La Virgen de la Caridad", "La Anunciación", "La Natividad", "La Coronación de la Virgen" kaj "San Ildefonso" en la Sanktejo de Nuestra Señora de la Caridad de Illescas.
- La Muzeodomo de Cervantes, en Esquivias.
- La panoramo de la valo de Taĵo, el Añover de Tajo.
- La Urbodomo de Borox.
- La kastelo de Higares, en Mocejón.
- La kastelo de Puñoenrostro, en Seseña.
- La romiaj mozaikoj de Cabañas de la Sagra.
- La palaco de la Grafoj, en Cedillo del Condado.
- La fabriko de cemento de Villaluenga de la Sagra.
- Tipaj kavoj en Yeles.
- La brikofabrikoj de la komarko.