Kunuloj de Emaus
emblemo
organizaĵo
Komenco 1947 vd
Lando(j) Hispanio • Francio • Unuiĝinta Reĝlando (Britio) • Italio • Usono • Benino • Peruo • Barato • Ebur-Bordo • Kolombio • Burkino • Germanio • Svedio • Rumanio vd
Sidejo Parizo
Fondinto(j) Abbé Pierre vd
Retejo Oficiala retejo

"Kunuloj de Emaus" (france Compagnons d'Emmaüs, havas tiun nomon reference al Emaus, vilaĝo de Palestino, pri kiu legeblas en la Evangelio laŭ Luko 24-13. Ĝi estas laika karitata organizaĵo kiu celas helpi malriĉulojn, rifuĝintojn kaj senhejmulojn, france nomatajn "SDF" (sans domicile fixe = sen fiksa loĝejo).

Historio

Abbé Pierre, fondinto de la movado de Emmaus.

La unua kunulo de Emaus nomiĝis George. Li estis najbaro de Abbé Pierre, ekspunlaboristo, kiu provis sinmortigi, kiam la abato proponis al li: "venu helpi al mi, helpi aliulojn". Post li venos multaj aliaj homoj, eksmalliberuloj, alkoholdependintoj, ekssoldatoj. Tiel Abbé Pierre fundis la unuan Emaus-komunumon.

Ekde la morto de Abbé Pierre , Emmaüs International estis ĝia sola legatinto. Tiel, la asocio Emmaus International laŭleĝe vivtenas la memoron pri Abbé Pierre kaj ricevis la aŭtrorrajtojn de la verkoj de Abbé Pierre kaj povas ricevi testamontojn kaj legaciojn[1].

Emmaüs International

Emmaüs Internacia (angle Emmaüs International) kreita en la jaro 1963[2] federas siajn membrojn ĉirkaŭ konkretaj atingoj kaj politikaj agoj. Hodiaŭ, la Emmaus-Movado laboras kolektive sur ses prioritataj programoj[3]: Rajto je akvo, sano, etika financado, edukado kaj rajtoj de migrantoj[4].

Rajtoj de migrantoj

Pluraj agadoj estis efektivigitaj de Emmaus International por la rajtoj de migrantoj:

  • 2005 - 2007 : kampanjo "Migranto, ne sklavo!" por la subskribo de la UN-Konvencio pri Rajtoj de Migrantaj Laboristoj kaj iliaj familianoj.
  • 2008 : partopreno en la Eŭro-Afrika kampanjo "Pontoj, ne muroj" por la libera moviĝorajto de migrantoj kaj kontraŭ la Direktivo pri la deviga reveno de kontraŭleĝaj migrantoj kiun la Eŭropa Parlamento adoptis je la 18an de junio 2008.
  • 2009 : publikigo de la libro "Visa pour le monde" (vizoj por la mondo) : kolekto de atestoj de migrantoj kaj respondeculoj de la movado Emmaüs pri ĉi tiu temo.
  • 2013 : kreo de la Organizaĵo por Universala Civitaneco (OCU)[5] kune kun la Movado Utopia kaj Francio Liberecoj - Fondaĵo de Danielle Mitterrand[6]

Movado Utopia

La nomo de ĉi tiu movado referencas al la libro de Thomas More, Utopia, sed ĝiaj ĉefaj inspiroj venas de la pensoj de sociologo Dominique Méda kaj filozofo André Gorz.

"Utopio ne signifas la ne-religeblan, sed la ne-realigitan. La hieraŭa utopio povas fariĝi realaĵo" - Théodore Monod

Referencoj

  1. ↑ (franca) G.M.& S.Der, Emmaüs : un 'label', mais un lourd héritage (Emmaüs, 'etikedo', sed peza heritaĵo), Le Figaro, la 23-an de januaro 2017, alirite la 30-an de januaro 2019.
  2. ↑ Emmauüs International (arkivo).
  3. ↑ Prezento de la 6 prioritatoj en la retejo de Emmaus International Arkivigite je 2018-11-09 per la retarkivo Wayback Machine
  4. ↑ Prezento de la 6 prioritatoj en la retejo de Emmaus International. Arkivita el la originalo je 2018-11-09. Alirita 2019-01-30.
  5. ↑ (fr) OCU, RECIM, Etudes Mondialistes (Mondcivitanoj)
  6. ↑ en la retejo de OCU, arkivigite je la stato de 2015-02-05

Vidu ankaŭ

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.