| Krys Williams | |||||
|---|---|---|---|---|---|
| Persona informo | |||||
| Naskonomo | Krystyna Bottrill | ||||
| Naskiĝo | 1-an de januaro 1954 (70-jaraĝa) | ||||
| Lingvoj | Esperanto vd | ||||
| Ŝtataneco | Unuiĝinta Reĝlando (Britio) vd | ||||
| Profesio | |||||
| Okupo | esperantisto vd | ||||
| |||||
| vd | Fonto: Vikidatumoj | ||||
Krys WILLIAMS, naskonomo Krystyna Franciszka Jabłońska, edzinonomoj Krys Ungar, kaj poste Krys Bottrill (naskiĝis en 1954) estas doktoro pri Imunologio kaj poetino esperantlingva.
Esperantisto de 1985, ŝi gajnis diversajn premiojn por poezio kaj eseoj ĉe la Belartaj Konkursoj kaj Floraj Ludoj, estis proklamita Florluda Majstro (1990). Ŝi estis redaktoro de la rubrikoj Scienco kaj Arto en la magazino Monato de 1992 ĝis 1998[1] kaj aktuale prizorgas la Medio-rubrikon.
Dum pluraj jaroj, ŝi ne multe aktivis en la E-movado, pro diversaj vivo- kaj laborpremoj. De 1989 ĝis 2003 laboris en fonduso por anstataŭigo de bestoj en medicinaj eksperimentoj. Aktuale ŝi laboras kiel sendependa tradukisto, principe en la medicina fako. Ŝi loĝas en Abertawe (Swansea) en Kimrio.
- Meznokto Metropola (poemaro, FEL, 1991)
Specimeno
Kaj tamen....
Foje mi revis pri reven’
al verva vers’ kaj verda mor’.
Pikis min anticip’, sed jen
langvoris plumo, ĉar la kor’
profundas tro por simpla kant’.
Dum vortoj vakis en mallum’.
mi, provizora kabeant’,
tiamen strebis el la nun’.
For memkompato, for riproĉoj!
Amo min vokas kaj destino.
Eksonas novaj verdaj voĉoj –
ne gravas ĉi ekspoetino.
Tamen, solene mi promesos:
mi Esperanton ne forgesos.
(Aperigita kun permeso de la verkinto)