Kreskonio (latine Cresconius, hispane Cresconio) (ĉ. 1036 - 1066) estis episkopo de la 11-a jarcento de Iria Flavia kaj Santiago-de-Kompostelo en Hispanio, kiu sukcedis al Vistruarius.

Kreskonio subtenis la reĝon Ferdinando la 1-a de Kastilio kaj edukis la filon de Ferdinando García la 2-a de Galegio kaj Portugalio, kiu poste estis kronita de Kreskonio mem kiel reĝo de la lastatempe restarigita reĝlando de Galegio.

Kiel lia samtempulo Odo de Bayeux, Kreskonio estis "milita episkopo" kaj dum vikinga invado de Galegio, li kolektis armeon kaj venkis la invadantojn. Li fortikigis Castellum Honesti -hodiaŭ konata kiel Torres do Oeste, kiu iam staris en Catoira, Hispanio - kun la celo bloki estontajn invadojn per la estuaro, Rio de Arousa, kaj ankaŭ konstrui la urbajn muregojn de Santiago-de-Kompostelo.