Kiel legi la taksonomion Koraciedoj
Lilbrusta koracio
Biologia klasado
Regno: Animaloj Filumo: Ĥorduloj Klaso: Birdoj Ordo: Koracioformaj Familio: Koraciedoj
Genroj
Koracioj (Coracias) Eŭristomoj (Eurystomus)
Aliaj Vikimediaj projektoj

Koraciedoj estas familio de birdoj. Ĝi konsistas el du genroj de similaj brilkoloraj kaj fortaj birdoj kiuj manĝas ĉefe insektojn. En Eŭropo troviĝas nur unu specio, la Koracio aŭ Eŭropa koracio, Coracius garrulus, sed la vorto Koracioj taŭgus ankaŭ kaj por ĉiuj specioj de la familio kaj por ĉiuj specioj de la genro Coracias.

La du genroj de la familio estas Koracioj kaj Eŭristomoj kaj la dekdu specioj estas jenaj:

- Genro Koracioj

• Eŭropa koracio (Coracias garrulus)
• Abisena koracio (Coracias abyssinica)
• Lilbrusta koracio (Coracias caudata)
• Rakedvosta koracio (Coracias spatulata)
• Ruĝkapa koracio (Coracias noevia)
• Azia koracio (Coracias benghalensis)
• Teminka koracio (Coracias temminckii)
• Bluventra koracio (Coracias cyanogaster)

- Genro Eŭristomoj

• Larĝbeka koracio (Eurystomus glaucurus)
• Blugorĝa koracio (Eurystomus gularis)
• Lazura koracio (Eurystomus azureus)
• Orienta eŭristomo (Eurystomus orientalis)

Ili aspektas kiel korvoj laŭ grando kaj konstruo, sed estas pli parencaj al alcionoj kaj abelmanĝuloj. Ili kunhavas la saman kolorplenan aspekton de tiuj grupoj, kie hegemonias blua kaj bruna, anstataŭ nigra kiel ĉe korvoj. La du internaj antaŭenaj fingroj estas konektitaj, sed ne la ekstera.

Ili estas insektovoruloj, kutime predantaj siajn predojn en aero dumfluge. Ili ofte ripozas elstare dumĉasado, kiel gigantaj lanioj. Tiuj birdoj estas tre akrobataj dumfluge.

Tiuj estas birdoj de varmaj klimatoj. Ili nestumas en nekovrita arbotruo, kie la ino demetas 2-4 ovojn.

Bildgalerio

Referencoj

• Kingfishers, Bee-eaters and Rollers de Fry, Fry kaj Harris, ISBN 0-7136-8028-8

Eksteraj ligiloj

• Filmoj de koracioj ĉe Interreta Birdokolekto
• Koracio el Turkio